Андрэй Сяргеевіч Бацула

Андрэй Бацула
Агульная інфармацыя
Поўнае імя	Андрэй Сяргеевіч Бацула
Нарадзіўся	6 лютага 1992(1992-02-06) (32 гады) Крамянчуг, Палтаўская вобласць, Украіна
Грамадзянства	Украіна
Рост	183 см
Вага	73 кг
Пазіцыя	абаронца
Інфармацыя пра клуб
Клуб	Ворскла
Нумар	29
Маладзёжныя клубы
2005—2006 Крэмінь (Крэмэнчук) 2006—2007 БРВ-ВІК (Уладзімір-Валынскі) 2007—2009 Крэмінь (Крэмэнчук)
Клубная кар’ера
2009—2014 Ворскла (Палтава) 0 (0) 2012—2014 →  Крэмінь (Крэмэнчук) 41 (8) 2014—2017 Зорка (Крапыўныцкы) 83 (8) 2017—2018 Александрыя 27 (1) 2018—2020 Кортрэйк 24 (0) 2020 →  Дынама (Мінск) 13 (0) 2021 Дынама (Мінск) 27 (2) 2022— Ворскла (Палтава)
Нацыянальная зборная
2008 Украіна (да 16) 4 (1) 2009 Украіна (да 17) 2 (0)
Медыяфайлы на Вікісховішчы

Андрэй Бацула (нар. 6 лютага 1992, Крэмэнчук, Украіна) — украінскі футбаліст, абаронца палтаўскай «Ворсклы».

Клубная кар’ера

З’яўляецца выхаванцам крэмэнчуцкай школы футбола. У 2009 годзе стаў футбалістам палтаўскай «Ворсклы», аднак за асноўны склад зялёна-белых не згуляў ніводнага матча. На правах арэнды выступаў за родны клуб «Крэмінь» да лета 2014 года, пасля чаго перайшоў у кіраваградскую «Зорку», у складзе якой выступаў да лета 2017 года. У складзе гэтага клуба правёў 87 матчаў, у якіх набраў 23 выніковыя балы (9+14).

У ліпені 2017 года стаў футбалістам «Александрыі», дзе выступаў на працягу аднаго сезона. У складзе жоўта-чорных правёў 32 матчы, набраў тры балы (1+2).

У жніўні 2018 года перайшоў у «Кортрэйк», дзе не здолеў замацавацца ў стартавым складзе, часцей заставаўся на лаўцы запасных. Усяго ў складзе бельгійцаў адгуляў 29 матчаў, набраў тры балы (1+2).

У чэрвені 2020 года быў аддадзены ў арэнду беларускаму клубу «Дынама» з Мінска, дзе замацаваўся ў асноўным складзе. У студзені 2021 года стаў іграком «Дынама» на трывалай аснове. У сезоне 2021 быў трывалым іграком стартавага складу, з 11 галамі стаў найлепшым асістэнтам чэмпіянату Беларусі, таксама быў прызнаны найлепшым абаронцам чэмпіянату.

Яшчэ ў ліпені 2021 года ўзгадніў папярэдні кантракт з палтаўскай «Ворсклай», а ў лістападзе 2021 года падпісаў пагадненне з клубам, якое пачало дзейначыць з пачатку 2022 года, па заканчэнні кантракта з «Дынама».

Міжнародная кар’ера

Выступаў за юнацкія зборныя Украіны.

Дасягненні

• Пераможца Першай лігі Украіны: 2015/16
• 03 Бронзавы прызёр чэмпіянату Беларусі: 2021
• Найлепшы абаронца чэмпіянату Беларусі: 2021
• У спісе 22 найлепшых футбалістаў чэмпіянату Беларусі: 2021