Анес Рушавіч

Анес Рушавіч
Нарадзіўся	2 снежня 1996(1996-12-02) (27 гадоў) Нові-Пазар, абшчына Нові-Пазар[d], Рашская акруга[d], Рэспубліка Сербія, Саюзная Рэспубліка Югаславія
Грамадзянства	Сербія
Рост	183 см
Вага	78 кг
Пазіцыя	нападнік
Інфармацыя пра клуб
Клуб	Жэтысу
Нумар	9
Клубная кар’ера
2015—2016 Нові-Пазар 39 (6) 2017 БАТЭ (Барысаў) 12 (1) 2018—2019 Напрэдак (Крушавац) 27 (3) 2019—2020 Пролетар (Нові-Сад) 20 (2) 2020—2021 Явар (Іваніца) 30 (1) 2022—2023 Работнічкі (Скоп’е) 40 (12) 2023— Жэтысу (Талдыкарган)
Нацыянальная зборная
2016 Сербія (да 20) 1 (0)

Анес Рушавіч (сербск.: Анес Рушевић; нар. 2 снежня 1996, Нові-Пазар, Саюзная Рэспубліка Югаславія) — сербскі футбаліст, нападнік казахстанскага клуба «Жэтысу» з Талдыкаргана.

Кар’ера

Выхаванец футбольнага клуба «Нові-Пазар». У Моладзевай лізе Сербіі 2014/15 стаў найлепшым бамбардзірам. У студзені 2015 года падпісаў трохгадовы кантракт з «Нові-Пазарам», за які дэбютаваў 16 мая 2015 года ў матчы сербскай Суперлігі супраць «Партызана», выйшаўшы на замену ў канцы сустрэчы. За паўтары гады згуляў у 39 матчах чэмпіянату Сербіі і забіў 6 галоў.

У студзені 2017 года перайшоў у барысаўскі БАТЭ, падпісаўшы трохгадовы кантракт. У складзе БАТЭ стаў у асноўным выхадзіць на замену, а ў другой палове сезона 2017 выступаў за дубль. У студзені 2018 года вярнуўся ў Сербію, стаўшы іграком клуба «Напрэдак».

У жніўні 2019 года перайшоў у «Пролетар» з Нові-Сада, а ў ліпені 2020 года далучыўся да «Явара» з Іваніцы, дзе гуляў да канца сезона 2020/21. У студзені 2022 года стаў іграком паўночнамакедонскіх «Работнічкаў».

У ліпені 2023 года папоўніў склад казахстанскага «Жэтысу».

Дасягненні

• 01 Чэмпіён Беларусі: 2017
• Уладальнік Суперкубка Беларусі: 2017