Антверпен

Горад
Антверпен
нідэрл.: Stad Antwerpen
Сцяг Герб
51°13′ пн. ш. 4°25′ у. д.
Краіна	Бельгія
Кіраўнік	Els van Doesburg[d]
Гісторыя і геаграфія
Першая згадка	VII стагоддзе
Вышыня цэнтра	7 м
Водныя аб’екты	Альберт-канал і Шэльда
Часавы пояс	UTC+1
Насельніцтва
Насельніцтва	▲536 079 чал. (1 студзеня 2023)
Афіцыйная мова	нідэрландская
Лічбавыя ідэнтыфікатары
Тэлефонны код	03
Паштовы індэкс	2000, 2018, 2020, 2030, 2040, 2050, 2060, 2100, 2140, 2170, 2180, 2600, 2610 і 2660
antwerpen.be (гал.) antwerpen.be/FR (фр.) antwerpen.be/DE (ням.) antwerpen.be/EN (англ.)
Паказаць/схаваць карты
Антверпен
Медыяфайлы на Вікісховішчы

Антверпен (нідэрл.: Antwerpen) — горад у Бельгіі. Другі пасля Бруселя паводле колькасці насельніцтва, найвялікшы горад Фландрыі. Размяшчаецца абапал ракі Шэльды, на Альберт-канале. Галоўны прамысловы горад краіны, буйны гандлёва-фінансавы цэнтр, марскі порт.

Гісторыя

Упершыню ўпамінаецца ў VII ст. З 1291 горад. З 1315 у Ганзейскім саюзе гарадоў. З XVI ст. буйны гандлёвы і фінансавы цэнтр Заходняй Еўропы. У 1579 далучыўся да Утрэхцкай уніі. У 1585 захоплены іспанцамі, у 1794 — французамі. Паступова страціў эканамічнае значэнне. З 1814 у складзе Нідэрландаў, з 1830 — гандлёвы порт Бельгіі.

Эканоміка

Галоўныя кірункі эканомікі — знешнегандлёвыя і фінансавыя аперацыі, міжнародныя транзітныя перавозкі. Прамысловасць звязана з абслугоўваннем партовай гаспадаркі і апрацоўкай прывазной сыравіны, асабліва нафты. Развіты машынабудаванне, каляровая металургія, хімічная прамысловасць, дзейнічае АЭС. Антверпен — найбуйнейшы ў свеце цэнтр агранкі алмазаў і гандлю брыльянтамі.

Транспарт

Адзін з самых вялікіх марскіх партоў Еўропы. Вузел перасячэння чыгунак, аўтадарог, нафта- і прадуктаправодаў. Тунэлі пад ракой злучаюць часткі горада.

Культура

Фламандская опера — некамерцыйная арганізацыя, якая займаецца арганізацыяй оперных прадстаўленняў і канцэртаў у Антверпене і Генце.

Архітэктура і планіроўка

Гістарычнае ядро Антверпена на правым беразе р. Шэльда: познагатычныя збудаванні з багатым дэкорам (сабор Онзе-ліве-Враўэкерк, 1352—1616; замак Стэн, перабудаваны ў 1520—1521, шматлікія дамы і цэрквы ў стылях готыкі і барока). На плошчы Гротэ-маркт помнікі фламандскага рэнесансу: ратуша (1561—1565, арх. К. Флорыс), дамы гільдый, Дом П. П. Рубенса (1611—1618), каралеўскі палац (1743—1745) — усе ў стылі барока. На месцы гарадскіх сцен 16 ст. паўкальцо бульвараў, за іх мяжой — новыя жылыя раёны з эклектычнымі забудовамі ў стылях мадэрн і функцыяналізму.

Славутасці

• Сабор Антверпенскай Божай Маці
• Антверпенская ратуша
• Дом Рубенса

Галерэя

• 
  Рыначная плошча (Grote Markt)
• 
  Чыгуначны вакзал «Antwerpen-Centraal»
• 
  Замак «Хет Стэн» («Het Steen»)
• 
  Кафедральны сабор Панны Марыі
• 
  Царква Св. Паўла
• 
  Гістарычны цэнтр
• 
  Панарама Рыначнай плошчы (Grote Markt)
• 
  Гарадская зала ўрачыстасцей

Вядомыя асобы

• Хендрык ван Бален Старэйшы
• Антоніс ван Дэйк
• Ян Грутэр

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).