Аншыета

Горад Аншыета Anchieta Герб Краіна Бразілія Каардынаты 20°48′19″ пд. ш. 40°38′55,50″ з. д. Першая згадка 1561 Ранейшыя назвы Рэрытыба, Віла-Нова-ды-Беневентэ Горад з 1887 Плошча 411,898 км² Вышыня цэнтра 2 м Афіцыйная мова партугальская мова Насельніцтва 28736 чалавек (2018) Часавы пояс UTC-3, летам UTC-2 Тэлефонны код 28 Афіцыйны сайт anchieta.es.gov.br (парт.) Аншыета на карце Бразіліі

Медыяфайлы на Вікісховішчы

Аншые́та (парт.: Anchieta) — горад у бразільскім штаце Эспірыту-Санту. Насельніцтва (2018 г.) — 28 736 чалавек.

Гісторыя

Аншыета была заснавана ў 1561 г. як езуіцкая місіянерская вёска для індзейцаў тупі пад назвай Рэрытыба. У ёй правёў свае апошнія гады знакаміты езуіцкі пісьменнік і даследчык Жазэ ды Аншыета. Пасля выгнання езуітаў з партугальскіх валоданняў у 1759 г. вёска атрымала назву Віла-Нова-ды-Беневентэ.

У 1887 г. населены пункт набыў статус горада і сучасную назву. У канцы XIX — пачатку XX яго насельніцтва значна вырасла дзякуючы іміграцыі з Італіі.

Эканоміка

Аншыета — адзін з турыстычных цэнтраў Эспірыту-Санту. У гарадской эканоміцы пераважае сфера паслуг. Многія гараджане — уладальнікі сельскагаспадарчых надзелаў у ваколіцах, займаюцца жывёлагадоўляй, вырошчваннем рысу, гародніны і бананаў.

Спасылкі

• Афіцыйны сайт Архівавана 18 чэрвеня 2021.