Арсень Аляксандравіч Лабовіч

Арсень Аляксандравіч Лабовіч
Арсень Аляксандравіч Лабовіч
Дата нараджэння	29 верасня 1923 (101 год)
Месца нараджэння	Студзянкі[d], Гміна Васількаў, Беластоцкі павет, Падляскае ваяводства, Польшча;
Род дзейнасці	тэатразнавец
Месца працы	Інстытут мастацтвазнаўства, этнаграфіі і фальклору імя Кандрата Крапівы НАН Беларусі; Беларуская энцыклапедыя імя Петруся Броўкі; Беларускі дзяржаўны ўніверсітэт культуры і мастацтваў; Дзяржаўны музей гісторыі тэатральнай і музычнай культуры Рэспублікі Беларусь;
Альма-матар	Беларускі дзяржаўны тэатральны інстытут (1949);
Член у	БСТД;

Арсень Аляксандравіч Лабовіч (нар. 29 верасня 1923, в. Студзянкі (польск.) (бел. каля Супрасля) — беларускі тэатразнавец.

Біяграфія

Скончыў Беларускі тэатральны інстытут (1949), працаваў у культурна-асветніцкіх установах Гродна, Стоўбцаў, Навагрудка. З 1959 — у Інстытуце мастацтвазнаўства, этнаграфіі і фальклору АН БССР, абараніў кандыдацкую дысертацыю. Пасля працаваў загадчыкам рэдакцыі мастацтва і архітэктуры выдавецтва БелСЭ, загадчыкам кафедры рэжысуры і майстэрства акцёра Мінскага інстытута культуры. З 1991 працуе ў Дзяржаўным музеі гісторыі тэатральнай і музычнай культуры Беларусі.

Члены Беларускага саюза тэатральных дзеячаў з 1964 года.

Навуковая дзейнасць

Даследаваў беларускі аматарскі тэатр у Заходняй Беларусі ў міжваенны час, гэтаму прысвечана яго кніга «Тэатр змагання» (Мінск, 1969). Аўтар працы «Сценическое воплощение пьес А. Н. Островского на белорусской cцене» (1971), шэрагу матэрыялаў аб праблемах сцэнічнага ўвасаблення драматургіі М. Горкага ў тэатрах Беларусі, пра польска-беларускія тэатральныя ўзаемаадносіны і іншыя тэмы, звязаныя з нацыянальным тэатральным мастацтвам.

Зноскі

Літаратура

Календарыюм // «Czasopis», № 09/2003;
Чыгрын С. Улюбёны ў беларускі тэатр // Ніва № 40(2473). 2003, кастр. 5.