Ася Іванаўна Патапава

Ася Іванаўна Патапава
Ася Іванаўна Патапава
Дата нараджэння	29 студзеня 1932 (92 гады)
Месца нараджэння	Краснаярск, Усходне-Сібірскі край[d], РСФСР, СССР;
Альма-матар	Маскоўскі архітэктурны інстытут (1956);
Месца працы	Свярдлаблпраект[d]; Мінскграмадзянпраект;
Член у	Саюз архітэктараў СССР; Беларускі саюз архітэктараў;

Ася Іванаўна Патапава (нар. 29 студзеня 1932, Краснаярск) — беларускі архітэктар.

Біяграфія

Скончыла Маскоўскі архітэктурны інстытут у 1956 годзе. Працавала ў Свярдлаблпраекце. З 1963 года — старшы архітэктар, з 1969 года — кіраўнік майстэрні ў Мінскім філіяле Белдзяржпраекта, у Мінскграмадзянпраекце.

Член Саюза архітэктараў СССР з 1962 года. Жыве ў Мінску.

Творчасць

У Свярдлоўску запраектавала квартал па вул. Перамогі, 247-кватэрны жылы з убудаванымі ўстановамі абслугоўвання, тэатрам лялек і памяшканнем Свярдлоўскага аддзялення СА СССР (у аўтарскім калектыве).

Асноўныя працы (у аўтарскім калектыве): ПДП цэнтра (1980), Паўночна-Заходняга жылога раёна і яго карэкціроўка (1981), забудова праспекта Міру і Леніна (1977—1985), мікрараёны № 4, 6, 6а, 11 (1976—1980) у Жодзіне, ПДП Усходняга жылога раёна і карэкціроўка (1975), жылога раёна ўздоўж Хажоўскай шашы (1976), жылога раёна № 5 (1977), мікрараёны № 2 (1973—1984), № 3 (1978), № 4 (1982) у Маладзечне, ПДП пасёлак энергетыкаў Сосны Мінскай вобласці (1975), генплан алімпійскага цэнтра «Стайкі» (1976), жылы пасёлак Дружба Смалявіцкага раёна (1977), забудова і добраўпарадкаванне вул. Савецкай у Лагойску (1981), праект забудовы мікрараёна ў пас. Лясное ў Бараўлянах (1983).

Сям’я

У шлюбе з архітэктарам Юрыем Патапавым (1930—2020).

Зноскі

Літаратура

Потапова Ася Ивановна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)