Рангерык
| Рангерык | |
|---|---|
| марш. Ron̄dik, англ. Rongerik | |
 Выгляд з космасу | |
| Характарыстыкі | |
| Плошча | 1,68 км² |
| Размяшчэнне | |
| 11°20′ пн. ш. 167°27′ у. д.HGЯO | |
| Архіпелаг | Маршалавы Астравы |
| Акваторыя | Ціхі акіян |
| Краіна | |
 | |
 Медыяфайлы на Вікісховішчы | |
Рангерык (англ.: Rongerik, маршал.: Ron̄dik) — атол у складзе Маршалавых Астравоў. Плошча сушы — 1,68 км². У наш час незаселены.
Рангерык належыць да заходняга ланцуга атолаў Ралік Маршалавых Астравоў за 34 км на ўсход ад атола Рангелап, за 633 км на паўночны захад ад Маджура. Рангерык складаецца з шырокай лагуны (143,95 км²) і каралавага рыфа, на якім месцяцца 17 астраўкоў, агульнай плошчай 1,68 км².
Рангерык быў адкрыты 3 верасня 1767 года брытанскай экспедыцыяй на чале з С. Уолісам. У той час ён быў населены маршальцамі. Паводле легенды, вярхоўны правадыр Рангерыка быў жанаты з жанчынай-злым духам з атола Уджае. У выніку гэтай небяспечнай сувязі ён аднойчы знік у моры.
У 1885—1914 гадах атол знаходзіўся ў каланіяльнай залежнасці ад Германіі. У 1914—1944 гадах — пад кантролем Японіі. Падчас Другой сусветнай вайны невялікае па колькасці карэннае насельніцтва Рангерыка пакінула сваю радзіму і мігрыравала на суседнія атолы. У 1946—1948 гадах на атоле Рангерык знаходзіліся выхадцы з атола Бікіні, часова пераселеныя амерыканскімі ваеннымі.
У 1947 годзе Рангерык афіцыйна трапіў пад апеку ЗША. У 1954 годзе ён быў забруджаны радыеактыўнымі ападкамі пасля чарговага выпрабавання ядзернай зброі на Бікіні.
У 1986 годзе атол стаў часткай Рэспублікі Маршалавых Астравоў.