Ахоўная зона
Ахоўная зона — зона аховы нерухомай матэрыяльнай гісторыка-культурнай каштоўнасці, якая непасрэдна прылягае да яе і можа ўключаць тэрыторыю гісторыка-культурнай каштоўнасці. Ахоўная зона прызначана для забеспячэння захаванасці гісторыка-культурнай каштоўнасці і яе навакольнага асяроддзя, выяўлення архітэктурна-мастацкай, горадабудаўнічай і планіровачнай якасці гісторыка-культурнай каштоўнасці і найлепшага візуальнага ўспрымання гісторыка-культурнай каштоўнасці[1].
Паводле Кодэкса аб культуры Беларусі ахоўныя зоны помнікаў археалогіі ўстанаўліваюцца на адлегласці не менш за пяцьдзясят метраў ад межаў тэрыторыі помнікаў археалогіі[2].