Вістычы

З пляцоўкі Вікіпедыя
Jump to navigation Jump to search
Аграгарадок
Вістычы
Vistyčy. Вістычы (2007).jpg
Краіна
Вобласць
Раён
Сельсавет
Каардынаты
Насельніцтва
Часавы пояс
Тэлефонны код
+375 162
Аўтамабільны код
1
SOATO
1 212 846 016
Вістычы на карце Беларусі ±
Вістычы (Беларусь)
Вістычы
Вістычы (Брэсцкая вобласць)
Вістычы

Ві́стычы[1] (трансліт.: Vistyčy, руск.: Вистычи) — аграгарадок у Брэсцкім раёне Брэсцкай вобласці. Уваходзіць у склад Чарнаўчыцкага сельсавета. Размешчаны за 12 км на поўнач ад Брэста.

Цэнтр камунальнага ўнітарнага сельскагаспадарчага прадпрыемства «Садрассвет».

Гісторыя[правіць | правіць зыходнік]

Паводле пісьмовых крыніц вядомы з 15 стагоддзя як сяльцо — шляхецкая ўласнасць у Берасцейскім старостве Троцкага ваяводства ВКЛ. З 1471 года належала берасцейскаму падкаморыю Выганоўскаму. У 16 стагоддзі ўладанне маршалка літоўскага і старосты берасцейскага Ю. І. Ільініча, пазней — Тышкевічаў. У 1678 годзе пабудаваны з цэглы касцёл цыстэрцыянцаў.

У пачатку 19 стагоддзя вёска належала памешчыку Шэміету. Пасля 3-га падзелу Рэчы Паспалітай (1795) у складзе Расійскай імперыі, у Слонімскай, з 1797 года — у Літоўскай, з 1801 года — у Гродзенскай губернях.

У вайну 1812 года, у верасні, пры пераправе цераз р. Лясная каля вёсак Вістычы, Клейнікі і Церабунь адбылася бітва, у выніку якой загінулі 2 тыс. французскіх і 1 тыс. расійскіх салдат, а вёска згарэла.

У 1834 годзе касцёл перабудаваны ў мураваную царкву з драўлянай званіцай. Медны звон важыў больш за 5 пудоў і быў датаваны 1692 г. Царкву наведвалі каля 4 тыс. прыхаджан з 14 навакольных вёсак, ёй належала 126 дзес. зямлі. У 1849 годзе Вістычы — уладанне графа Грабоўскага. У маёнтку была плаціна і 8 мастоў. У 1863 годзе ў вёсцы меліся карчма, вадзяны і ветраны млыны. Маёнткам валодаў П. Ягмін, які за ўдзел у паўстанні 1863—1864 гадоў паводле царскага загаду абавязаны быў прадаць 1/7 частку свайго маёнтка. У 18891890 гадах у вёсцы працавала народнае вучылішча, дзе вучыліся 61 хлопчык і 3 дзяўчынкі. У 1890 годзе маёнткам валодаў С. Ягмін, які меў тут 383 дзес. зямлі.

Вістычы ў 1916 годзе

У 1905 годзе вёска ў Матыкальскай воласці Брэсцкага павета Гродзенскай губерні. Паводле Рыжскага мірнага дагавора 1921 года ў складзе Польшчы, у Матыкальскай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну 5 жыхароў загінулі.

Інфраструктура[правіць | правіць зыходнік]

  • Крама
  • Базавая школа
  • Бібліятэка
  • Аддзяленне сувязі

Насельніцтва[правіць | правіць зыходнік]

  • 74 жыхары (1905)
  • 3 двары, 89 жыхароў (1921)
  • 5 двароў, 37 жыхароў (1940)
  • 105 жыхароў (1959)
  • 103 жыхары (1970)
  • 170 гаспадарак, 605 жыхароў (1997)
  • 190 гаспадарак, 33 жыхары (2005)

Славутасці[правіць | правіць зыходнік]

Старачаная спадчына[правіць | правіць зыходнік]

Зноскі

  1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)

Літаратура[правіць | правіць зыходнік]

  • Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі[правіць | правіць зыходнік]