Ацэтаты

Ацэта́ты — солі і эфіры воцатнай кіслаты, напрыклад:

• CH₃COOC₂H₅ этылацэтат (этылавы эфір воцатнай кіслаты);
• CH₃COONa ацэтат натрыю;
• CH₃COONH₄ ацэтат амонію;
• Pb(CH₃COO)₂·3H₂O ацэтат свінцу (свінцовы цукар).

Солі — крышталічныя рэчывы, растваральныя ў вадзе, выкарыстоўваюцца як каталізатары ў арганічным сінтэзе. Эфіры — лятучыя вадкасці з фруктовым ці кветкавым пахам.

Выкарыстоўваюць як растваральнікі нітрацэлюлозных лакаў, поліэфірных і гліфталевых смол, у вытворчасці цэлулоіду, кінаплёнак, у парфумернай і харчовай прамысловасці.

Літаратура

• Ацэта́ты // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 163. — 10 000 экз. — ISBN 985-11-0035-8. — ISBN 985-11-0061-7 (т. 2).
• Ацета́ты // Т. 2. Ангола — Барзас. — М. : Советская энциклопедия, 1970. — С. 467. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)