Аўгуста Джакамеці

Аўгуста Джакамеці
Дата нараджэння	16 жніўня 1877(1877-08-16)[…]
Месца нараджэння	Стампа[d], Брэгалья[d], Maloja Region[d], кантон Граўбюндэн, Швейцарыя
Дата смерці	9 чэрвеня 1947(1947-06-09)[…] (69 гадоў)
Месца смерці	Цюрых, Цюрых, кантон Цюрых, Швейцарыя
Грамадзянства	Швейцарыя
Род дзейнасці	мастак, дызайнер
Вучоба	Цюрыхскі ўніверсітэт мастацтваў
Мастацкі кірунак	сімвалізм
Медыяфайлы на Вікісховішчы

Аўгуста Джакамеці (іт. Augusto Giacometti, 16 жніўня 1877, Стампа — 9 чэрвеня 1947, Цюрых) — швейцарскі мастак.

Жыццё і творчасць

Аўгуста Джакамеці з’яўляўся буйным прадстаўніком постмадэрнізму і постсімвалізму, быў майстрам вітража і манументальнага насценнага жывапісу, а таксама плакатнага мастацтва. Быў членам сям’і мастакоў, скульптараў і архітэктараў Джакамеці, стрыечны брат мастака Джавані Джакамеці.

Джакамеці займаўся маляваннем з дзяцінства. Вывучаў жывапіс з 1894 па 1897 год у цюрыхскай Школе прыкладнога мастацтва, затым — у Парыжы і ў Фларэнцыі. З 1915 года жыў у Цюрыху.

У Цюрыху ўступіў у масонскую ложу Вялікай швейцарскай ложы Альпіна.

Першы вялікі свой заказ А. Джакамеці атрымлівае на роспіс прыёмнай залы ў паліцэйскім упраўленні Цюрыха (Джакамеці-хол). У 1929 годзе мастак стварыў каляровыя вітражы для лютэранскай царквы ў Фраўэнфельдзе (кантон Тургаў). У 1937 годзе зрабіў вітражы для хору ў царкве Адэльбадэн. Мастак выкарыстоўваў у сваіх творах яркія, зіхатлівыя фарбы.

Аўгуста Джакамеці з’яўляецца адным з першых мастакоў XX стагоддзя, якія спрабавалі працаваць у стылі бесперадметнага, абстрактнага мастацтва.