Аўлакомніум

Аўлакомніум
Аўлакомніум балотны (Aulacomnium palustre)
Навуковая класіфікацыя
прамежныя рангі Дамен:  Эўкарыёты Царства:  Расліны Нададдзел:  Мохападобныя Аддзел:  Імхі Клас:  Лістасцябловыя імхі Падклас:  Брыевыя імхі Парадак:  Aulacomniales Сямейства:  Аўлакомніевыя Род:  Аўлакомніум
Міжнародная навуковая назва
Aulacomnium Schwägr.
Сістэматыка на Віківідах Выявы на Вікісховішчы ITIS   547428 NCBI   67246 EOL   93584 IPNI   ???

Аўлакомніум (Aulacomnium) — род брыевых імхоў сямейства аўлакомніевых.

Апісанне

Аўлакомніум балотны — двухдомная расліна. Утварае зялёныя або жоўта-зялёныя густалямцаватыя дзярнінкі. Сцёблы вышынёй да 10—15 см, простыя або галінастыя. Лісце даўжынёй да 3 мм, падоўжана-ланцэтнае. Каробачка падоўжана-яйцападобная, гарбатая, нахіленая, на жоўта-чырвонай ножцы. Спараносіць летам. Вегетатыўнае размнажэнне лістападобнымі вывадкавымі цельцамі, сабранымі ў шарападобныя галоўкі на доўгіх ножках. У аўлакомніума двухполага вывадкавыя цельцы верацёнападобныя.

Арэал і экалогія

Вядома 9 відаў. Пашыраны ў Паўночным паўшар'і. На Беларусі на балотах, забалочаных лугах і лясах расце аўлакомніум балотны (Aulacomnium palustre); пагаршае якасць лугоў, торфаўтваральнік. Радзей, пераважна на гнілой драўніне ў вільготных лясах, трапляецца аўлакомніум двухполы (Aulacomnium androgynum).

Літаратура

• Рыкоўскі Г. Ф. Аўлако́мніум // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 86. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).

Спасылкі

• Аулакомниум: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)