Бабруйскі дзяржаўны медыцынскі каледж

З пляцоўкі Вікіпедыя
Перайсьці да навігацыі Перайсьці да пошуку
Бабруйскі дзяржаўны медыцынскі каледж
Medkollege-Bobruisk.jpg
Дата заснавання 28 ліпеня 1931
Тып каледж
Дырэктар Ніна Паўлаўна Шчур
Адрас Сцяг Беларусі Беларусь, 213819, г. Бабруйск, вул.Каменскага, 38
bobrmedcollege.by

УА «Бабруйскі дзяржаўны медыцынскі каледж» — установа сярэдняй спецыяльнай медыцынскай адукацыі сістэмы Міністэрства аховы здароўя Рэспублікі Беларусь, знаходзіцца ў г.Бабруйск.

Гісторыя[правіць | правіць зыходнік]

Бабруйскае медыцынскае вучылішча было заснавана 28 ліпеня 1931 года і называлася медтэхнікумам. Да Вялікай Айчыннай вайны адбылося 8 выпускаў. У 1945 годзе тэхнікум аднавіў сваю працу. У 1954 годзе тэхнікум перайменаваны ў медыцынскае вучылішча. У 1956 годзе на базе вучылішча створаны рэспубліканскія курсы, а затым вучылішча ўдасканалення сярэдніх медыцынскіх работнікаў па 13 спецыяльнасцях.

У 1963 годзе ізноў адкрыта медыцынскае вучылішча па падрыхтоўцы медсясцёр, акушэрак, фельчараў.

У 2006 годзе створана ўстанова адукацыі «Бабруйскі дзяржаўны цэнтр падрыхтоўкі, павышэння кваліфікацыі і перападрыхтоўкі медыцынскіх кадраў».

10 студзеня 2012 года цэнтр перайменаваны ва ўстанову адукацыі «Бабруйскі дзяржаўны медыцынскі каледж», які з’яўляецца правапераемнікам установы адукацыі «Бабруйскі дзяржаўны цэнтр падрыхтоўкі, павышэння кваліфікацыі і перападрыхтоўкі медыцынскіх кадраў».