Бадры Рабоевіч Акубардыя

Бадры Акубардыя
Поўнае імя	Бадры Рабоевіч Акубардыя
Нарадзіўся	11 студзеня 1993(1993-01-11) (31 год)
Грамадзянства	Украіна
Рост	182 см
Вага	67 кг
Пазіцыя	абаронца
Інфармацыя пра клуб
Клуб	няма
Маладзёжныя клубы
2006—2009 РВВВФК (Кіеў) 2009—2010 Дынама (Кіеў)
Клубная кар’ера
2010—2016 Дынама (Кіеў) 0 (0) 2013—2016 →  Дынама-2 (Кіеў) 46 (3) 2016 Зугдзідзі 6 (0) 2017 Геліяс (Харкаў) 7 (0) 2017—2018 Сумы 13 (1) 2018—2019 Гомель 34 (3) 2020 Руставі 7 (0) 2021 Палессе (Жытомір) 11 (0) 2022 Шэвардэні-1906 (Тбілісі) 4 (0) 2022 Канкордыя (Эльблёнг) 12 (0)
Нацыянальная зборная
2010—2012 Украіна (да 19) 14 (0) 2012—2013 Украіна (да 21) 6 (0)

Бадры Акубардыя (нар. 11 студзеня 1993, Пічоры, Грузія) — украінскі футбаліст грузінскага паходжання, абаронца.

Клубная кар’ера

Нарадзіўся ў Грузіі, аднак у трохгадовым уросце з-за грузіна-абхазскага канфлікту пераехаў з бацькамі ва Украіну, у горад Бахмач, дзе і пачаў займацца футболам. Пасля восьмага класа перабраўся ў спартыўны інтэрнат у Браварах, а неўзабаве апынуўся ў кіеўскім РВВФК. У 2009 годзе далучыўся да акадэміі кіеўскага «Дынама», на наступны год пачаў гуляць за моладзевы склад сталічнага клуба, дзе за тры сезоны згуляў у 61 матчы.

Улетку 2013 года трэнер моладзевага складу кіяўлян Аляксандр Хацкевіч узначаліў каманду «Дынама-2» і ўзяў з сабой некалькі ігракоў, у тым ліку Бадры. 14 ліпеня 2013 года дэбютаваў у Першай лізе, правёўшы ўсе 90 хвілін у матчы супраць чарнігаўскай «Дзясны» (0:0). У жніўні 2016 года перайшоў у грузінскі клуб «Зугдзідзі», які ўзначальваў украінскі спецыяліст Уладзімір Люты. Пазней вярнуўся ва Украіну, гуляў у Першай лізе за харкаўскі «Геліяс» і «Сумы».

У жніўні 2018 года падпісаў кантракт на 1,5 гады з беларускім клубам «Гомель», у складзе якога стаў адным з асноўных ігракоў. У чэрвені 2019 года не гуляў з-за траўмы, пасля вярнуўся ў склад. У студзені 2020 года па заканчэнні кантракта пакінуў «Гомель».

У верасні 2020 года далучыўся да грузінскага клуба «Руставі». У лютым 2021 года вярнуўся ва Украіну, стаўшы іграком жытомірскага «Палесся», а ў лютым 2022 года перайшоў у тбіліскі «Шэвардэні-1906». У жніўні 2023 года далучыўся да польскай «Канкордыі» з Эльблёнга, дзе гуляў да снежня 2022 года.

Міжнародная кар’ера

Выступаў у юнацкіх і моладзевых зборных Украіны розных узростаў. У студзені 2013 года ў складзе ўкраінскай каманды прымаў удзел у Кубку Садружнасці ў Санкт-Пецярбургу, дапамог сваёй зборнай стаць фіналістам турніру.