Баўнці (астравы)

З пляцоўкі Вікіпедыя
Jump to navigation Jump to search
Баўнці
У параметры «Нацыянальная назва» парушаны сінтаксіс: яго дакладнае запаўненне: «код мовы/назва/код другой мовы/назва». Калі ласка, выпраўце гэтую памылку!
Bul02Bird293a.jpg
Птушкі на скалах
Характарыстыкі
Колькасць астравоў22 
Агульная плошча1,35 км²
Найвышэйшы пункт88 м
Насельніцтва0 чал.
Размяшчэнне
47°45′ пд. ш. 179°02′ з. д.HGЯO
АкваторыяЦіхі акіян
Краіна
Баўнці (астравы) (Ціхі акіян)
Баўнці
Баўнці
Лагатып Вікісховішча Аўдыё, фота і відэа на Вікісховішчы

Астравы Ба́ўнці (англ.: Bounty Islands) — архіпелаг на паўднёвым захадзе Ціхага акіяна. Уваходзіць у склад Новай Зеландыі. Агульная плошча - 1,35 км². Сталага насельніцтва няма.

Гісторыя[правіць | правіць зыходнік]

Астравы былі адкрыты ў 1788 г. Вільямам Блаем, капітанам знакамітага брытанскага судна "Баўнці". Менавіта ён даў назву архіпелагу. У апісанні адкрытых астравоў значылася: "Голыя і пустынныя".

У 1807 г. брытанскае судна "Сідней" высадзіла на астравах групу новазеландскіх маары на чале з правадыром Руатара, які імкнуўся дасягнуць Вялікабрытаніі для сустрэчы з каралём Георгам III. Брытанцы прапанавалі маары паляваць на ластаногіх, каб іх скурамі аплаціць праезд. Аднак рабінзанада новазеландцаў ператварылася ў трагедыю. Яны пакутавалі ад голаду і холаду, так што, калі "Сідней" вярнулася за імі, трое маары загінула. Аднак астатнія здолелі назапасіць 8000 скур.

У першай трэці XIX ст. Баўнці ператварыліся ў папулярны маршрут для паляўнічых на ластаногіх. У выніку іх драпежнай дзейнасці ў 1831 г. засталося ўсяго 5 жывёлін.

У 1998 г. астравы разам з іншымі новазеландскімі субантарктычнымі тэрыторыямі трапілі ў спіс сусветнай спадчыны ЮНЕСКА.

Геаграфія і прырода[правіць | правіць зыходнік]

Архіпелаг Баўнці знаходзіцца ў 700 км на паўднёвы ўсход ад Новай Зеландыі. Уяўляе сабою тры групы дробных астравоў і гранітных скал агульнай плошчай 135 га.

Клімат субарктычны марскі. Сярэдняя тэмпература жніўня 5,5 °C, лютага 11 °C.

Флора сушы вельмі бедная, прадстаўленая лішайнікамі і зялёным багавіннем, што расце сярод скал, абароненых ад паўднёвых антарктычных вятроў. Галоўнае багацце астравоў Баўнці - гэта марскія птушкі, якіх тут налічваецца 12 розных відаў (пінгвіны, гарбаткі, буравеснікападобныя). 3 з іх знаходзяцца пад пагрозай вымірання.

Спасылкі[правіць | правіць зыходнік]

Сцяг ЮНЕСКА Сусветная спадчына ЮНЕСКА, аб'ект № 877
рус.англ.фр.