Белорусская лесная газета
| «Белорусская лесная газета» | |
|---|---|
| Арыгінальная назва |
Belorusskaya Lesnaya Gazeta |
| Тып | штотыднёвая |
| Заснавальнік | Міністэрства лясной гаспадаркі Рэспублікі Беларусь |
| Уладальнік | Міністэрства лясной гаспадаркі Рэспублікі Беларусь |
| Краіна | |
| Рэдактар | Аляксандр Цыбульскі |
| Заснавана | 1994 |
| Мова | беларуская, руская |
| Галоўны офіс | Мінск, вул. Матусевіча, 23 |
| ISSN | 1993-2219 |
| Вэб-сайт | lesgazeta.by |
«Белорусская лесная газета» (бел.: Беларуская лясная газета) — беларуская газета па лясной гаспадарцы. Заснавана Міністэрствам лясной гаспадаркі Рэспублікі Беларусь. Выдаецца з 1994 года. Выходзіць штотыдзень у чацвер.
Выдаецца на 16-ці палосах фармату А-3, а двойчы на месяц — на 24 поўнакаляровых палосах. Тыраж газеты — больш за 28 тысяч асобнікаў. З’яўляецца адзіным у краіне перыядычным штотыднёвым выданнем, якое працуе па ўсёй праблематыцы лесагаспадарчага і дрэваапрацоўчага комплексаў Беларусі.
Сярод пастаянных падпісчыкаў «Белорусской лесной газеты» — усе без выключэння прадпрыемствы і ўстановы сістэмы Міністэрства лясной гаспадаркі краіны, лесапрамысловыя, дрэваапрацоўчыя вытворчасці, гандлёва-закупачныя арганізацыі, мэблевыя фабрыкі і іншыя прадпрыемствы розных формаў уласнасці. Значнае месца ў яе публікацыях адводзіцца Беларускаму вытворча-гандлёваму канцэрну лясной, дрэваапрацоўчай і цэлюлозна-папяровай прамысловасці «Беллеспаперапрам».
На старонках «БЛГ» пастаянна прысутнічаюць адмысловыя падборкі і тэматычныя палосы, прысвечаныя развіццю паляўнічай гаспадаркі і рыбалоўства ў краіне. Дзейнічаюць і карыстаюцца вялікай папулярнасцю ў чытачоў прэс-клубы «Паляўнічы рог», «Поклевка». У іх, акрамя шырокай прапаганды гэтых відаў адпачынку, значнае месца адведзена апісанню рынку рыштунку, зброі і начыння, а таксама прапаноў па рыбалоўна-паляўнічым турызме і сэрвісе.
Спасылкі[правіць | правіць зыходнік]
- Сайт газеты Архівавана 4 жніўня 2018.