Бернар-П'ер Данадзьё

Бернар-П'ер Данадзьё
фр.: Bernard-Pierre Donnadieu
Дата нараджэння	2 ліпеня 1949(1949-07-02)
Месца нараджэння	IV акруга Парыжа, Парыж, Парыж, рэгіён Іль-дэ-Франс, Метраполія Францыі, Францыя
Дата смерці	27 снежня 2010(2010-12-27) (61 год)
Месца смерці	Ле-Шэнэ[d], дэпартамент Івелін, рэгіён Іль-дэ-Франс, Метраполія Францыі, Францыя
Грамадзянства	Францыя
Дзеці	Ingrid Donnadieu[d]
Адукацыя	Універсітэт Парыж III Новая Сарбона
Прафесія	акцёр дубляжа, тэатральны акцёр, кінаакцёр
IMDb	ID 0232627

Бернар-П’ер Данадзьё (фр.: Bernard-Pierre Donnadieu; 2 ліпеня 1949, IV акруга Парыжа — 27 снежня 2010, Ле-Шэнэ) — французскі акцёр.

Біяграфія

Акцёрскаму майстэрству навучаўся ва ўніверсітэце Парыж III Новая Сарбона, пачаў сваю кар’еру ў кіно ва ўзросце 25 гадоў адразу ж з супрацоўніцтва са знакамітымі рэжысёрамі. За кар’еру зняўся больш як у 100 мастацкіх і тэлевізійных фільмах. З карцін, у якіх сыграў акцёр, можна вылучыць мастацкія фільмы: «Жылец» — рэжысёра Рамана Паланскага, «Прафесіянал» — Жоржа Латнера, «Калі б пачаць спачатку» — Клода Лелуша, «Знікненне» — Георга Слёйзера.

У 1985 годзе намінаваўся на прэмію «Сезар» за лепшую мужчынскую ролю другога плана за ролю ў фільме «Вуліца варвараў», аднак саступіў у выніку ўзнагароду Рышару Барынжэ.

Агучыў вялікую колькасць фільмаў у якасці акцёра дубляжу, сярод іншых, агучваў на французскую мову мультыплікацыйныя фільмы «Бі Муві: Мядовая змова» і «Тачкі».

Памёр ад раку 27 снежня 2010 года ва ўзросце 61 года. Дачка акцёра — Інгрыд Данадзьё, актрыса.