Браніслаў Іванавіч Урублеўскі

Браніслаў Іванавіч Урублеўскі
Дата нараджэння	9 красавіка 1935(1935-04-09)
Месца нараджэння	Лужкі, Красналуцкі сельсавет, Халопеніцкі раён, Менская акруга, БССР, СССР
Дата смерці	2022
Грамадзянства	Беларусь
Месца працы	Інстытут механікі металапалімерных сістэм імя У. А. Белага НАН Беларусі БелДУТ Беларускі гандлёва-эканамічны ўніверсітэт спажывецкай кааперацыі
Навуковая ступень	кандыдат тэхнічных навук
Навуковае званне	прафесар
Альма-матар	Беларускі дзяржаўны тэхналагічны ўніверсітэт
Член у	Беларуская інжынерная акадэмія
Узнагароды

Браніслаў Іванавіч Урублеўскі (9 красавіка 1935, в. Лужкі, Чашніцкі раён, Віцебская вобласць — 2022) — беларускі спецыяліст у галіне машын, механізмаў і тэхналогіі лесараспрацовак, лесанарыхтовак і лясной гаспадаркі, эканаміст. Кандыдат тэхнічных навук (1970), прафесар (2001). Акадэмік Беларускай інжынернай акадэміі.

Біяграфія

Скончыў Беларускі тэхналагічны інстытут (лесатэхнічны факультэт, 1962; аспірантура, 1970).

Працаваў у прадпрыемствах лясной прамысловасці БССР, Інстытуце механікі металапалімерных сістэм АН БССР (вучоны сакратар), Гомельскам вытворчам лесанарыхтоўчам аб’яднанні (намеснік генеральнага дырэктара), Гомельскім заводзе будаўнічых дэталей (дырэктар), Гомельскам вытворчам аб’яднанні па дрэваапрацоўцы (генеральны дырэктар), Беларускім дзяржаўным універсітэце транспарту (1994—1995, дацэнт кафедры «Эканоміка»), Беларускім гандлёва-эканамічным універсітэце спажывецкай кааперацыі (прафесар кафедры сусветнай і нацыянальнай эканомікі).

Навуковыя інтарэсы: будаўніцтва лесавозных аўтамабільных дарог; эканоміка і кіраванне ў жыллёва-камунальнай гаспадарцы; менеджмент; энеразберажэнне; прадпрымальніцтва; павышэнне якасці вышэйшай адукацыі.

Узнагароды

Медалі «За доблесную працу» і «Ветэран працы»

Бібліяграфія

• Исследование комплексного укрепления грунтов карбамидной смолой и нефтью в целях строительства лесовозных автомобильных дорог : автореферат диссертации … кандидата технических наук : 05.420 / Б. И. Врублевский. — Минск, 1970.
• Услуги, которые мы не выбираем / Бронислав Врублевский, Тихон Липницкий // Беларуская думка. — 2012. — № 1. — С. 98—103. — Биографии, фото авторов (с. 98).

Літаратура

• Врублевский Бронислав Иванович // Белорусский государственный университет транспорта : Хроника. События. Люди (1953—2003). — Гомель, 2003. — С. 290.