Бружмель Маака

З пляцоўкі Вікіпедыя
Jump to navigation Jump to search
Бружмель Маака
LoniceraMaackiiFlowers3.jpg
Лісце і кветкі бружмеля Маака
Навуковая класіфікацыя
Міжнародная навуковая назва

Lonicera maackii (Rupr.) Maxim.

Сінонімы
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS  35298
NCBI  51255
EOL  488727
GRIN  t:22596
IPNI  148902-1
TPL  tro-6000471

Бружмель Маака[3] (Lonicera maackii) — куст, від роду Бружмель сямейства Бружмелевыя (Caprifoliaceae). У дзікім выглядзе расце ў Сярэдняй Азіі ў паўночным і заходнім Кітаі, Манголіі, Японіі, Карэі і на паўднёвым усходзе Расіі, у Прыморскім краі[4].

Этымалогія[правіць | правіць зыходнік]

Відавую назву расліна атрымала ў гонар Рычарда Карлавіча Маака(руск.) бел., рускага натураліста XIX стагоддзя[5].

Батанічнае апісанне[правіць | правіць зыходнік]

Разгалісты лістападны куст вышынёй да 5 м.

Парасткі светла-шэрыя, маладыя з густым апушэннем з кароткіх валасінак.

Лісце даўжынёй 4,5-8,5 см, супратыўнае, яйкападобна-эліптычнай або шырокаланцэтнай формы, завостранае на канцы, цэльнакрайняе. Верхні бок ліставай пласцінкі цёмна-зялёны, ніжні святлей. Восенню становяцца ліловымі або пурпурно-жоўтымі. Хвосцікі лісця кароткія.

Кветкі белыя, даўжынёй да 2,5 см, са слабым прыемным водарам. Размешчаны парамі ў пазухах лісця. Час цвіцення — чэрвень.

Плады шарападобныя, цёмна-чырвоныя, дыяметрам каля 6 мм. Утрымліваюць шматлікае дробнае насенне. Спеюць у жніўні-верасні, доўга не ападае. Неядомыя.

Экалогія[правіць | правіць зыходнік]

У некаторых абласцях ЗША бружмель Маака лічыцца непажаданым інвазіўным відам і вырошчванне яго там абмежавана або забаронена [6]. Насенне хутка разносіцца птушкамі, якія ядуць плады, і бружмель ўтварае густыя зараснікі, якія перашкаджаюць росту мясцовых кустоў і іншых раслін. Колькасць бружмелю Маака кантралююць высечкай або выпальваннем зараснікаў да ўзроўню каранёў, а таксама апрацоўкай гербіцыдамі.

Прымяненне[правіць | правіць зыходнік]

Бружмель Маака шырока ўжываецца ў якасці дэкаратыўнай расліны ў садова-паркавым дызайне. Хутка расце і ўтварае шчыльныя жывыя загарадзі. Створана некалькі культурных формаў, напрыклад, 'Erubescens' з ружовымі кветкамі, 'Rem Red' з прамымі парасткамі.[7].

Зноскі

  1. Ужываецца таксама назва Пакрытанасенныя.
  2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
  3. Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 76. — 160 с. — 2 350 экз.
  4. Germplasm Resources Information Network: Lonicera maackii Архіўная копія на Wayback Machine (англ.) 
  5. Ohio State University Pocket Gardener: L. maackii Архівавана 14 ліпеня 2007 года. (англ.) 
  6. USDA PLANTS DATABASE: L. maackii (англ.) 
  7. Huxley, A., ed. (1992). New RHS Dictionary of Gardening. Macmillan ISBN 0-333-47494-5. (англ.) 

Літаратура[правіць | правіць зыходнік]

  • Декоративные растения СССР / Б. Н. Головкин, Л. А. Китаева,. — М.: Мысль, 1986. — С. 254, 255.
  • Деревья и кустарники СССР / Под ред П. И. Лапина. — М.: Мысль, 1966. — С. 539.