Бядрынец вялікі

Бядрынец вялікі
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Парасонакветныя Сямейства:  Парасонавыя Падсямейства:  Apioideae Трыба:  Pimpinelleae Род:  Бядрынец Від:  Бядрынец вялікі
Міжнародная навуковая назва
Pimpinella major (L.) Huds., 1762
Сінонімы
Pimpinella magna L. Pimpinella saxifraga var. major L.
Сістэматыка на Віківідах Выявы на Вікісховішчы ITIS   29823 NCBI   1000425 EOL   581425 GRIN   t:315035 IPNI   846901 TPL   kew-2403195

Бядрынец вялікі (Pimpinella major) — травяністая расліна сямейства парасонавых.

Апісанне

Шматгадовая травяністая расліна з верацёнападобным галінастым коранем і прамастойным пустым баразнаватым сцяблом вышынёй 40-100 см. Лісце перыстае, цёмна-зялёнае. Суквецце — складаны парасонік з 9-15 прамянёў; абгортка і абгортачкі адсутнічаюць. Пялёсткі белыя або ружаватыя. Плод — прадаўгавата-яйкападобны віслаплоднік.

Пашырэнне

Сярэднееўрапейскі від. Пашырэнне: Скандынавія, Сярэдняя і Атлантычная Еўропа, паўночна-заходнія і заходнія раёны Усходняй Еўропы, Каўказ, Міжземнамор'е, Балканы. Знаходзіцца ў Беларусі ў асобных лакалітэтах на ўсходняй мяжы пашырэння. Расце ў разрэджаных лясах, на ўзлесках, палянах, у хмызняку па берагах рэк. Аддае перавагу дубравам. Расце невялікімі, часам буйнымі групамі або асобнымі экземплярамі.

Асаблівасці біялогіі

Цвіце ў чэрвені-жніўні, пладаносіць у жніўні-верасні. Размнажэнне насеннае.

Таксанамія

Від Бядрынец вялікі ўваходзіць у род Бядрынец (Pimpinella) сямейства Парасонавыя (Apiaceae) парадку Парасонакветныя (Apiales).

яшчэ 8 сямействаў (па Сістэме APG II)

яшчэ каля 150 відаў

парадак Парасонакветныя

род Бядрынец

адзел Кветкавыя, ці Пакрытанасенныя

сямейства Парасонавыя

вид Бядрынец вялікі

яшчэ 44 парадкі кветкавых раслін (па Сістэме APG II)

яшчэ больш 300 родаў

Выкарыстанне

Дэкаратыўная, харчовая (вострапрыпраўная), лекавая і тэхнічная (фарбавальная) расліна.

Літаратура

• Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. — Мн.: БелЭн, 1993. ISBN 5-85700-095-5

Спасылкі

• Бедренец большой: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)