Вуліца Дзяржынскага (Барысаў)
| Вуліца Дзяржынскага Барысаў | |
|---|---|
| Агульная інфармацыя | |
| Краіна | |
| Горад | |
| Працягласць | 1,9 км |
| Ранейшыя назвы | Палынская, Бярэзінская, Аршанская, Маскоўская, Беларуская |
 Медыяфайлы на Вікісховішчы | |
Вуліца Дзяржынскага (руск.: улица Дзержинского) — вуліца ў Барысаве, размешчаная ў гістарычным раёне Старабарысаў.
Гісторыя[правіць | правіць зыходнік]
Гістарычна частка вуліцы ад рынку на захад, да Бярэзіны называлася Палынскай. Паводле П. Шпілеўскага, такую назву яна атрымала ад таго, што на гэтым месцы была глыбокая сажалка з палыном. Частка вуліцы ад рынку на ўсход называлася Аршанскай, па кірунку да горада Оршы. Палынская (або Бярэзінская) і Аршанская вуліцы згадваюцца ў інвентары 1680 года[1].
У часы Расійскай імперыі Аршанская вуліца перайменавана ў Маскоўскую, бо выводзіла на маскоўскі тракт. У 1800 г. быў распрацаваны праект рэгулярнай перапланіроўкі Барысава, паводле якога ад плошчы разыходзіліся галоўныя вуліцы — Мінская, Полацкая, Лепельская, Маскоўская. П. М. Шпілеўскі адзначаў, што Барысаў мог пахваліцца даволі шырокімі і прамалінейнымі вуліцамі, якія амаль усе сыходзіліся каля рыначнай плошчы. Паводле слоў Шпілеўскага вуліца Маскоўская была выбрукавана каменем[1].
У часы нямецкай акупацыі 1940-х гг. перайменавана ў Беларускую вуліцу[1].
Зноскі
- ↑ а б в АЗБУКА ИСТОРИИ БОРИСОВСКИХ УЛИЦ: к 90-летию Борисовского района Архівавана 21 снежня 2022.
Спасылкі[правіць | правіць зыходнік]
На Вікісховішчы ёсць медыяфайлы па тэме Вуліца Дзяржынскага (Барысаў)
