Вадстэна

Населены пункт
Вадстэна
Vadstena
Герб
58°26′54″ пн. ш. 14°53′23″ у. д.
Краіна	Швецыя
Лен	Эстэргётланд
камуна	Вадстэна
Гісторыя і геаграфія
Плошча	3,41 км²
Водныя аб’екты	Ветэрн
Часавы пояс	UTC+2, летам UTC+3
Насельніцтва
Насельніцтва	▲5 802 чал. (31 снежня 2023)
Шчыльнасць	1,646 чал./км²
[[http://www.vadstena.se www.vadstena.se] [http://www.vadstena.se www.vadstena.se]]
Паказаць/схаваць карты
Вадстэна
Медыяфайлы на Вікісховішчы

Вадстэ́на (шведск.: Vadstena) — горад на ўсходзе Швецыі ў лене Эстэргётланд, размешчаны на ўсходнім беразе возера Ветэрн. Цэнтр аднайменнай камуны. Насельніцтва — 5 613 чалавек (2010). Важны турыстычны цэнтр.

Гісторыя

У XII стагоддзі на тэрыторыі сучаснай Вадстэны існавала царква ў раманскім стылі — гэта быў адзін з этапаў паломніцкага шляху ў Тронхейм. У XIII стагоддзі кароль Вальдэмар Біргерсан пабудаваў тут свой палац. У 1346 годзе кароль Магнус Эрыксан падараваў гэты палац Святой Біргіце, якая заснавала Вадстэнскі кляштар — кляштар Ордэна брыгітак. У 1400 годзе Вадстэна атрымлівае гарадскія прывілеі і становіцца важным паломніцкім цэнтрам. У 1545 годзе кароль Густаў Ваза пабудаваў у Вадстэне замак, а ў 1550 годзе канфіскаваў маёмасць кляштара і прагнаў манахаў (манашкі заставаліся там да 1595 года). З 1637 года кляштар выкарыстоўваўся ў якасці дому для салдат-інвалідаў, з 1783 года стаў турмой, а з 1829 года — часткай шпіталя. У 1848—1853 гадах]], у сувязі з будаўніцтвам Гёта-канала, у Вадстэне быў пабудаваны порт на возеры Ветэрн. Для яго будаўніцтва былі разабраны абарончыя валы замка. У 1874 годзе была пракладзена чыгунка (зачынена ў 1963 годзе).

Славутасці

• г.зв. Чырвоная вежа (XIV стагоддзе) — рэшты царквы Святога Пятра
• Кляштар (заснаваны ў XIV стагоддзі)
• Кляштарная царква (XV стагоддзе)
• Дом біскупа (1474)
• Ратуша (XV стагоддзе)
• Замак (XVI стагоддзе)
• г.зв. Дом Мортэна Шынарэ (служыў шпіталем для бедных)
• Гістарычная забудова (XVIII-XIX стагоддзе)
• Музей кляштара Св. Брыгіты
• Музей шпіталя
• Музей цацак

Галерэя

• 
  Вадстэнскі замак
• 
  Вадстэнскі кляштар
• 
  Дом біскупа
• 
  Ратуша
• 
  Чырвоная вежа
• 
  Былы каралеўскі палац (цяпер Музей кляштара Св. Брыгіты)
• 
  Дом Мортэна Шынарэ
• 
  У цэнтры Вадстэны

Спасылкі

• На Вікісховішчы ёсць медыяфайлы па тэме Вадстэна