Валерый Міхайлавіч Хаменя

Валерый Міхайлавіч Хаменя
Нарадзіўся	24 красавіка 1978(1978-04-24) (47 гадоў) Гродна, БССР, СССР
Грамадзянства	Беларусь
Альма-матар	Універсітэт Джорджа Вашынгтона РДВАР
Рост	203 см
Вага	99 кг
Пазіцыя	цяжкі форвард
Драфт НБА	не задрафтаваны, 2000
Клубная кар’ера
1993—1994 РТІ 1994—1997 РВАР 1997—1998 РТІ-АЗАА 1998—2000 Джордж Вашынгтон Калоніялс 2001—2002 Еўраз Екацярынбург 2003 РТІ-РВАР 2003—2004 Гродна-93

Валерый Міхайлавіч Хаменя (нар. 24 красавіка 1978, Гродна, БССР, СССР) — беларускі баскетбаліст. Цяжкі форвард. Выступаў за зборную Беларусі.

Біяграфія

Баскетболам пачаў займацца ў 1985 годзе пад кіраўніцтвам Генадзя Францкевіча. Навучаўся ў Мінску ў Рэспубліканскім вучылішчы алімпійскага рэзерву пад кіраўніцтвам Аляксандра Леанідавіча Папкова.

У сезоне 1996/97 стаў чэмпіёнам Беларусі ў складзе РВАР, быў прызнаны лепшым гульцом чэмпіянату Беларусі. У сезоне 1997/98 быў капітанам РТІ-АЗАА.

У 1998 годзе пераехаў у ЗША, навучаўся ва універсітэце Джорджа Вашынгтона.

У другой палове сезону 2002/03 выступаў за РТІ-РВАР, а ў першай палове сезону 2003/04 — за «Гродна-93» (у студзені 2004 года ў перапынку паміж гульнямі паехаў да сям’і ў ЗША і ў каманду не вярнуўся).

У 1997 годзе згуляў за моладзевую зборную Беларусі U-22 у кваліфікацыі да чэмпіянату Еўропы-1998. У 1997—2001 гадах выступаў за мужчынскую зборную Беларусі.

Пасля заканчэння гульнявой кар’еры працаваў трэнерам у ЗША.

Дасягненні

• Чэмпіён Беларусі (1): 1996/1997.
• Сярэбраны прызёр чэмпіянату Беларусі (2): 1993/1994, 2002/2003.
• Сярэбраны прызёр Расійскай Суперлігі (1): 2001/2002.
• Бронзавы прызёр чэмпіянату Беларусі (1): 1997/1998.
• Уладальнік Кубка Беларусі (1): 1997.
• Фіналіст Кубка Беларусі (1): 1998.

Спасылкі

• Профіль на сайце fiba.com
• Профіль на сайце РФБ