Валерый Уладзіміравіч Путаў

Валерый Уладзіміравіч Путаў
Дата нараджэння	2 студзеня 1954(1954-01-02) (70 гадоў)
Месца нараджэння	Коханава, Коханаўскі сельсавет, Талачынскі раён, Віцебская вобласць, БССР, СССР
Альма-матар	Ваенная акадэмія Генеральнага штаба Узброеных Сіл Расійскай Федэрацыі Галіцынскі пагранічны інстытут ФСБ Расіі[d] Ваенная акадэмія імя М. В. Фрунзэ
Прыналежнасць	Расія
Званне	Генерал-палкоўнік
Бітвы/войны	Другая чачэнская вайна
Узнагароды і званні

Валерый Уладзіміравіч Путаў (нар. 2 студзеня 1954, Коханава, Талачынскі раён, Віцебская вобласць) — расійскі ваенны дзеяч, генерал-палкоўнік. Удзельнік Другой чачэнскай вайны.

Біяграфія

Скончыў Вышэйшае памежнае ваенна-палітычнае Чырванасцяжнае вучылішча КДБ пры Савеце Міністраў СССР імя К. Я. Варашылава (1975), ваенную акадэмію імя М. В. Фрунзэ (1984), акадэмію Генеральнага штаба РФ (1998).

Служыў у Забайкальскай памежнай акрузе, у Кокуйскім памежным атрадзе (старшым афіцэрам штаба).

З 1984 года — начальнік штаба Градзякоўскага памежнага атрада, затым — начальнік Скавародзінскага памежнага атрада.

З 1993 года — намеснік начальніка штаба Упраўлення групы пагранічных войск Расіі ў Рэспубліцы Кыргызстан, затым — намеснік камандуючага войскамі Забайкальскай пагранічнай акругі.

Займаў пасады начальніка Забайкальскага рэгіянальнага ўпраўлення, начальніка штаба Паўночна-Каўказскага рэгіянальнага ўпраўлення Федэральнай памежнай службы Расіі (з 2000 года).

Кіраваў у Чачні аперацыямі супраць банды Гелаева (2000), а таксама супраць банды брыгаднага генерала Хусэйна Ісабаева (2002).

З чэрвеня 2003 года — генерал-лейтэнант.

З 2003 года ўзначальваў Паўночна-Усходняе памежнае ўпраўленне берагавой аховы ФСБ РФ, у 2006—2009 гадах — Рэгіянальнае памежнае ўпраўленне ФСБ Расіі па Далёкаўсходняй федэральнай акрузе.

З 2011 года — віцэ-прэзідэнт ТАА «Аналітык груп».

Член Саюза журналістаў Расіі, аўтар артыкулаў і кніг пра жыццё пагранічнікаў.

Узнагароды

• Заслужаны пагранічнік Расіі
• ордэн Чырвонай Зоркі (1991)
• ордэн «За ваенныя заслугі»
• медаль «За баявыя заслугі» (1979)
• медаль «За адзнаку ў ахове дзяржаўнай мяжы»
• імянная агнястрэльная зброя