Васіль Васілевіч Шчарбакоў
Васіль Васілевіч Шчарбакоў | |
---|---|
Дата нараджэння | 20 красавіка 1951 |
Месца нараджэння | в. Казімірова, Полацкі раён, Віцебская вобласць |
Дата смерці | 28 чэрвеня 2010 (59 гадоў) |
Месца смерці | Смаленск, Расія |
Месца пахавання | |
Альма-матар | |
Род войскаў | верталётная аіяцыя |
Званне |
|
Часць | 1-я верталётная эскадрылля 181-ы асоны верталётны полк |
Бітвы/войны | Афганская вайна |
Узнагароды і званні |
Васіль Васільевіч Шчарбакоў (20 красавіка 1951, вёс. Казімірова, Полацкі раён, Віцебская вобласьць, Беларуская ССР — 28 чэрвеня 2010, Смаленск, Расія) — Герой Савецкага Саюза, намеснік старшыні Беларускага саюза ветэранаў вайны ў Афганістане (БСВВА).
Біяграфія[правіць | правіць зыходнік]
У мірны час, да пачатку Афганскай вайны, скончыў Віцебскі вучэбна-авіяцыйны цэнтр ДТСААФ, затым Аткарский вучэбны авіяцыйны цэнтр ДТСААФ і ў 1972 годзе — экстэрнам — Сызранское вышэйшае ваеннае авіяцыйнае вучылішча лётчыкаў[1]. У 1984 годзе — Ваенна-паветраную акадэмію імя Ю. А. Гагарына. У 1970 годзе быў прызваны ў шэрагі Савецкай Арміі і накіраваны служыць у Афганістан у складзе абмежаванага кантынгенту савецкіх войскаў.
Пасля вайны ў Афганістане служыў на розных камандных пасадах. Афіцэрскі шлях скончыў на пасадзе начальніка ўпраўлення авіяцыі 7-й танкавай арміі ў званні палкоўніка. У 1993 годзе быў абраны намеснікам старшыні Беларускага саюза ветэранаў вайны ў Афганістане (БСВВА).
З 1994 года па 1995 год займаў пасаду намесніка старшыні Камітэта па сацыяльнай абароне ваеннаслужачых, асоб радавога і начальніцкага складу, звольненых у запас, адстаўку, і членаў іх сем'яў пры Савеце міністраў Беларусі. З 1995 года — намеснік старшыні БСВВА.
У апошнія гады жыцця жыў у Смаленску, узначальваў дабрачынны фонд «Памяць». Шчарбакоў быў апошнім Героем Савецкага Саюза, з тых, што пражывалі ў Смаленскай вобласці[2].
Памёр у ноч на 28 чэрвеня 2010 года. Пахаваны на Усходніх могілках у Мінску[3][4].
Подзвіг[правіць | правіць зыходнік]
Як камандзір эскадрыллі праславіўся, калі ў час бою з душманамі ў 1979 годзе быў збіты савецкі верталёт. Шчарбакоў В. В. падабраў яго экіпаж і на сваёй падбітай машыне вывез з поля бою.
Сям'я[правіць | правіць зыходнік]
Быў жанаты, меў дваіх сыноў.
Узнагароды[правіць | правіць зыходнік]
Званне Героя Савецкага Саюза маёру Шчарбакову В. В. было прысвоена Указам Прэзідыума Вярхоўнага Савета СССР ад 28 красавіка 1980.
Узнагароджаны ордэнам Леніна і медалём «Залатая Зорка», ордэнам «За службу Радзіме ва Узброеных Сілах СССР» 2-й і 3-й ступені, беларускім ордэнам «За службу Радзіме» 2-й ступені.
Зноскі
- ↑ В. П. Куницын, В. М. Толкачев. Военный городок: от Усть-Двинского пехотного полка до вертолётного училища. — Сызрань: Ваш Взгляд, 2013. — 256 с. — 500 экз. — ISBN 978-5-904048-3-5-8.
- ↑ На Смоленщине умер последний Герой Советского Союза . Смоленские новости.
- ↑ Памяти лётчика . Смоленская газетв.
- ↑ Почему могилу Героя Советского Союза оставвили без памятника? . Салідарнасць.
Спасылкі[правіць | правіць зыходнік]
Васіль Васілевіч Шчарбакоў на сайце «Героі краіны»
- Шчербаков В. В. Герои-выпускники.
- «Герой нашего времени». Статья из журнала «Армия», 1999, № 6 часть 1 Архівавана 1 чэрвеня 2016..
- «Герой нашего времени». Часть 2 Архівавана 5 сакавіка 2016..
- Нарадзіліся 20 красавіка
- Нарадзіліся ў 1951 годзе
- Асобы
- Нарадзіліся ў Полацкім раёне
- Памерлі 28 чэрвеня
- Памерлі ў 2010 годзе
- Памерлі ў Смаленску
- Пахаваныя на Усходніх могілках Мінска
- Выпускнікі Ваенна-паветранай акадэміі імя Ю. А. Гагарына
- Палкоўнікі СССР
- Героі Савецкага Саюза
- Кавалеры ордэна Леніна
- Кавалеры ордэна «За службу Радзіме» II ступені
- Кавалеры ордэна «За службу Радзіме ва Узброеных Сілах СССР» II ступені
- Кавалеры ордэна «За службу Радзіме ва Узброеных Сілах СССР» III ступені
- Удзельнікі Афганскай вайны (1979—1989)