ВелаГродна

ВелаГродна
ВелаГродна
Сфера дзейнасці	веларух, развіццё велаінфраструктуры
Дата заснавання	2 кастрычніка 2013
Тып	грамадскае аб'яднанне
Сайт	velogrodno.by

Грамадскае аб'яднанне веласіпедыстаў «ВелаГродна» заснавана з мэтай папулярызацыі веласіпеда, як экалагічнага віда транспарту і сродка актыўнага адпачынку, фармаванню здаровага ладу жыцця, развіццю інфраструктуры і веласіпеднага руху.

Гісторыя[правіць | правіць зыходнік]

Дзейнасць актыву арганізацыі пачалася ў 2010 годзе. Тады ініцыятыўная група, абраўшая назву «ВелаГродна», узяла на сабе адказнасць за правядзенне акцыі «Крытычная маса» ^[1], Бардзюрная пятніца ^[2], Дзень без аўтамабіля ^[3] і ішшыя, а таксама вядзення дыалогу з мясцовай ўладай па развіццю велаінфраструктуры ^[4].

У кастрычніку 2013 года рашэннем Гродзенскага гарадскога выканаўчага камітэта ВелаГродна атрымала статус афіцыйнай арганізацыі (абласнога значэння) ^[5].

Уплыў на развіццё велаінфраструктуры[правіць | правіць зыходнік]

Веладарожкі[правіць | правіць зыходнік]

Патрабаванні веласіпедыстаў да мясцовай улады аб стварэнні веладарожак у Гродне пачаліся яшчэ з першых акцый «Крытычная масса» у 2006 годзе ^[6].

Ініцыятыўная група «ВелаГродна» абрала іншы шлях да стварэння гарадской велаінфраструктуры. У 2010 годзе веласіпедысты прадставілі гарвыканкаму першую схему веларуху ў горадзе ^[7]. Актывісты праводзілі і прымалі ўдзел у мерапрыемствах, скіраваных на планаванне з мясцовай уладай развіцця веларуху ^[8].

У 2014 годзе ГАВ «ВелаГродна» распрацавала прапановы па развіцці транспартнай сістэмы, у прыватнасці велаінфраструктуры, для ўключэння іх у мясцовую позву ўстойлівага развіцця Гродзенскага рэгіёну, якая распрацоўвалася ў рамках праекта Міжнароднай тэхнічнай дапамогі «Падтрымка рэгіянальнага і мясцовага развіцця ў Рэспубліцы Беларусь» ^[9].

Актывісты арганізацыі праводзяць маніторынгі будавання і функцыянавання веламаршрутаў.

Велапаркоўкі[правіць | правіць зыходнік]

Грамадская кампанія «Забяспеч сабе паркоўку!», якая пачалася ў Гродна а 2012 годзе, накіравана на павелічэнне колькасці велапарковак у горадзе. У рамках кампаніі створана інтэрактыўная мапа, праведзены маніторынг велапарковак, накіравана некалькі соцен лістоў, выдадзена брашура з рэкамендацыямі па ўсталёўцы парковак для веласіпедыстаў ^[10]. Вынікам працы стала павелічэнне велапарковак у Гродна ў 3 разы толькі за першы год кампаніі.

Інтэрактыўная мапа была створана з мэтай збору інфармацыі аб месцах, дзе ў Гродна неабходныя велапаркоўкі, а таксама інфармацыі аб ужо наяўных. Зборам дадзеных займаюцца ўсе жадаючыя гродзенскія веласіпедысты. Мапа выпушчана пад «вольнай ліцэнзіяй». Гэта дае магчымасць іншым ініцыятыўным групам скарыстацца ёй для маніторынгу сітуацыі з велапаркоўкамі ў сваіх гарадах, што можа паўплываць на паляпшэнне велаінфраструктуры па ўсёй Беларусі.

Форум велаактывістаў Беларусі[правіць | правіць зыходнік]

ВелаГродна з'яўляецца заснавальнікам Форуму велаактывістаў Беларусі. Першы Форум прайшоў у верасні 2011 года ^[11], другі ў лістападзе 2012 ^[12]. Форум праводзіцца з мэтай умацавання адносін паміж рэгіёнамі і распрацоўцы новых ідэй. Актывісты прадстаўляюць вынікі сваёй дзейнасці за апошні год і дзеляцца ідэямі працы з мясцовымі ўладамі па праблеме інфраструктуры сваіх гарадоў, ролі грамадскіх веласіпедных арганізацый, развіцці веласіпеднага турызму і іншае.^[13]

Спартыўныя мерапрыемствы для аматараў[правіць | правіць зыходнік]

Актывісты ВелаГродна кожны год праводзяць мерапрыемствы для аматараў веласпорту:

Крос-кантры «Три версты» ^[14]
Міжнародны аматарскі веламарафон «Суседзі»

Крос-кантры[правіць | правіць зыходнік]

Крос-кантры — від спаборніцтваў па маунцінбайку, гонкі па перасечанай мясцовасці са спускамі, зацяжнымі ўздымамі, хуткаснымі і тэхнічнымі ўчасткамі.

У Гродне штогод праходзіць 7 этапаў Кубка.

Веламарафон «Суседзі»[правіць | правіць зыходнік]

«Суседзі» ^[15] — адзін з этапаў марафонаў «Maratony Kresowe» праводзяцца з 2011 года на тэрыторыі Гродзенскага раёна Рэспублікі Беларусь у трэцюю суботу ліпеня. Траса веламарафону пралягае па наваколлях Аўгустоўскага канала ўздоўж дзяржаўнай мяжы Рэспублікі Беларусь з суседнімі Польшчай і Літвой і праходзіць каля ракі Чорная Ганча, абарончых ўзвядзенняў першай і другой сусветных воін. Месца старту і фінішу размешчана паблізу шлюза Дамброўка.

У марафоне прымаюць удзел усе жадаючыя без абмежавання па полу, ўзрост і навыкі. На выбар ўдзельнікам прапанавана тры трасы: Марафон ≈ 60 км, Паўмарафон ≈ 35 км, Мінімарафон ≈ 10 км. Для самых маленькіх (да 6 гадоў) праводзіцца мікра-заезд на 100—200 метраў.

У першым веламарафоне прыняло ўдзел 150 веласіпедыстаў ^[16], а ўжо праз 4 гады (у 2014 годзе) — 700 чалавек ^[17].

Геаграфія ўдзельнікаў: Беларусь, Польшча, Літва, Украіна, Расія, ЗША, Галандыя і інш.

«Maratony Kresowe» праводзяцца на тэрыторыі Рэспублікі Польшча. Акрамя беларускага марафону «Суседзi», ёсць яшчэ адзін марафон на тэрыторыі Літвы.

Супрацоўніцтва[правіць | правіць зыходнік]

ВелаГродна ў сваёй дзейнасці супрацоўнічае:

з веласіпеднымі аб'яднаннямі іншых гарадоў Беларусі, з большага з Мінскае роварнае таварыства (МВО).
з экалагічнымі ўстановамі і аб'яднаннямі Беларусі: тарарыства «Зялёная сетка», Цэнтр экалагічных рашэнняў ^[18] (Мінск)
з веласіпеднымі аб'яднаннямі Польшчы: Eskapada ^[19]
з дзяржустановамі: Райвыканкамам Гродзенскага раёна, Гарвыканкамам г. Гродна, Аблвыканкамам Гродзенскай вобласці, ДАІ г. Гродна, Камітэтам прыродных рэсурсаў і аховы навакольнага асяроддзя Гродзенскай вобласці

Сяброўства ў ВелаГродна[правіць | правіць зыходнік]

На пачатак 2017 года ў склад арганізацыі ўваходзіць 101 сябр.

Дзейнасць у арганізацыі прыводзіць не толькі да развіцця веларуху і спартовых перамог, але і да вяселля ^[20].

Спасылкі[правіць | правіць зыходнік]

Крыніцы[правіць | правіць зыходнік]

[1] s13.ru: Первая «Критическая масса» сезона в Гродно состоялась!

[2] Твой Стыль: «Крытычную масу» ў Гродне змяніла «Бардзюрная пятніца»

[3] Белсат: Дзень без аўтамабіля

[4] Вечерний Гродно: «Право на проезд: велосипедисты разработали свою систему веломаршрутов»

[5] Доклад об исполнении Орхусской конвенции в РБ

[6] Сайт гродзенскіх актывістаў руху «Крытычная маса» (2006—2010 год)

[7] Вечерний Гродно: «Велосипедисты разработали свою систему веломаршрутов»

[8] Твой Стыль: Праблемы раварыстаў хвалююць эколагаў

[9] Велосипедисты подготовили рекомендации по развитию транспортной системы Гродно

[10] ВелаГродна: Агульныя рэкамендацыі па прыладзе веласіпедных парковак у г. Гродна

[11] Твой Стыль: «У Гродне раварысты з розных гарадоў абмеркавалі агульныя праблемы»

[12] Белсат: Раварысты гуртуюцца

[13] Другі Форум велаактывістаў Беларусі

[14] Вечерний Гродно: «Велосипедисты в Пышках устроили гонки с препятствиями»

[15] Pauza.by: «„Суседзi-2014“: специфика, главные требования и правила соревнований»

[16] s13.ru: Роварны рух на Гродзеншчыне робіцца ўсё больш папулярным

[17] Tut.by: «На Августовском канале под Гродно прошел рекордный веломарафон: приехали „суседзі“ из Польши, Литвы и России»

[18] ЦЭР: Определены самые велодружественные организации Беларуси

[19] Аляксандр Сосна: У Гродне супрацьтанкавыя бардзюры

[20] СТВ: Велосвадьба в Гродно

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]