Вольга Іванаўна Яфрэмава

Вольга Іванаўна Яфрэмава
Дата нараджэння	7 верасня 1923(1923-09-07) (100 гадоў)
Месца нараджэння	Мядзведжае[d], Мядзвежанскі павет[d], Стаўрапольская губерня[d], СССР
Грамадзянства	Беларусь
Род дзейнасці	філосаф, гісторык
Месца працы	Інстытут гісторыі НАНБ Інстытут філасофіі НАН Беларусі
Навуковая ступень	кандыдат гістарычных навук
Альма-матар	Мінскі дзяржаўны педагагічны інстытут імя А. М. Горкага (1947)
Прэміі

Вольга Іванаўна Яфрэмава (7 верасня 1923, с. Мядзведжае, цяпер с. Краснагвардзейскае, Стаўрапольскі край, Расія) — беларускі філосаф і гісторык. Кандыдат гістарычных навук (1960).

Біяграфія

Нарадзілася 7 верасня 1923 года ў сяле Мядзведжае Стаўрапольскага края. Скончыла Мінскі педагагічны інстытут у 1947 годзе. З 1947 года ў Інстытуце гісторыі, у 1961—1983 гадах у Інстытуце філасофіі і права АН Беларусі. Вывучае гісторыю грамадскай і сацыялагічнай думкі Беларусі XIX—XX стст.

Творчасць

Адзін з аўтараў калектыўных прац «Гісторыя Беларускай ССР» (т. 2, 1972), «Ідэі гуманізму ў грамадска-палітычнай і філасофскай думцы Беларусі» (1977), «Развіццё марксісцка-ленінскай філасофіі ў БССР (20—70-я гг.)» (1984).

Узнагароды

Дзяржаўная прэмія Беларусі 1984 года за цыкл работ па гісторыі філасофскай і грамадскай думкі Беларусі (апублікаваны ў 1973—1980).

Творы

• Барацьба за перамогу марксісцкіх ідэй у рабочым руху Беларусі (1907—1914 гг.). Мн., 1962;
• Из истории общественной мысли Белоруссии конца XIX — начала XX в. Мн., 1972;
• Газета «Звезда» и ее роль в распространении марксизма в Белоруссии (август—ноябрь 1917 г.). Мн., 1977.

Літаратура

• Яфрэмава Вольга Іванаўна // Энцыклапедыя гісторыі Беларусі. У 6 т. Т. 6. Кн. 2: Усвея — Яшын; Дадатак / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2003. — 10 000 экз. — ISBN 985-11-0276-8.

Спасылкі

• Вольга Іванаўна Яфрэмава на сайце анлайн-энцыклапедыі «Беларусь у асобах і падзеях»