Вячаслаў Вячаслававіч Шамшур

Вячаслаў Шамшур
Вячаслаў Шамшур
	Вячаслаў Вячаслававіч Шамшур
Дата нараджэння	20 жніўня 1942 (81 год)
Месца нараджэння	Пціцкія, Мёрскі сельсавет, Мёрскі раён, Вілейская вобласць, БССР, СССР;
Грамадзянства	Беларусь;
Род дзейнасці	мастак, мастацтвазнавец
Месца працы	Віцебскі дзяржаўны педагагічны інстытут;
Альма-матар	Віцебскі дзяржаўны педагагічны інстытут (1970); Інстытут мастацтвазнаўства, этнаграфіі і фальклору імя Кандрата Крапівы НАН Беларусі (1978);
Член у	Беларускі саюз мастакоў;
Узнагароды	Ганаровая грамата Міністэрства асветы БССР[d] Выдатнік народнай асветы БССР[d]

Вячаслаў Вячаслававіч Шамшур (нар. 20 жніўня 1942, в. Пціцкія, Мёрскі раён, Віцебская вобласць) — беларускі мастацтвазнаўца, мастак, педагог, прафесар, член Саюза мастакоў Беларусі.

Біяграфія[правіць | правіць зыходнік]

Закончыў сярэднюю школу ў Міёрах, мастацка-графічны факультэт Віцебскага педінстытута (1970), аспірантуру Інстытута мастацтвазнаўства, этнаграфіі і фальклору АН БССР (1978). Працуе ў Віцебскім дзяржаўным універсітэце з 1970 года, дацэнт з 1984 года, прафесар з 1993 года. Загадчык кафедры методыкі прыкладнога выяўленчага мастацтва.

Навуковая дзейнасць[правіць | правіць зыходнік]

Друкуецца ў перыядычных выданнях з 1977 года. Адзін з першых беларускіх даследчыкаў творчасці Малевіча, Шагала, Лісіцкага і іншых мастакоў паслярэвалюцыйнага Віцебска. Аўтар манаграфіі «Аб агітацыйна-афармленчым мастацтве Беларусі» (1989), раздзела 6-га тома «Гісторыі беларускага мастацтва», шэрагу навуковых артыкулаў у перыядычным друку па этнаграфіі і мастацтве Беларусі, метадычных і навучальных дапаможнікаў.

Творчасць[правіць | правіць зыходнік]

Удзельнік мастацкіх выстаў з 1986 года. Працуе ў станковай графіцы (пейзаж, партрэт, нацюрморт). Стварыў серыю графічных прац «Дарога на Міёры», «Віцебск і Віцебшчына», шмат асобных карцін — «Зімовыя карцінкі» (1986), «Хутка ў вырай» (1987), «Забавы дзяцінства. Калаўрот» (1987), «Аколіца» (1988), «Велікодная раніца» (1990), «Вячэрняя літургія» (1996) і інш. Творы вызначаюцца выразнасцю пластычнай мовы, нацыянальным каларытам, эмацыянальным настроем.

Вялікае месца ў творчасці мастака займаюць матывы роднай Міёршчыны.

Узнагароды[правіць | правіць зыходнік]

Узнагароджаны Ганаровай граматай Міністэрства асветы БССР, значком «Выдатнік народнай асветы».

Літаратура[правіць | правіць зыходнік]

Шамшур Вячаслаў Вячаслававіч // Памяць : гісторыка-дакументальная хроніка Міёрскага раёна / рэдкал. Г. М. Маняк [і інш.]. — Мн., 1988. — С. 549.