Вікіпедыя:Конкурс «Што ў Беларусі ведаюць пра Ізраіль?»
Пасольства Дзяржавы Ізраіль у Рэспубліцы Беларусь і Ізраільскі культурны цэнтр пры Пасольстве (ІКЦ) абвяшчаюць конкурс для жыхароў Беларусі па напісанні ў Вікіпедыю энцыклапедычных артыкулаў пра сучасны Ізраіль.
Мэта конкурсу — стварэнне і паляпшэнне агульнадаступных энцыклапедычных артыкулаў у Вікіпедыі пра сучасны Ізраіль, паляпшэнне інфармаванасці жыхароў Беларусі пра гэту краіну.
Конкурс праходзіць пры ўдзеле Фонду Вікімедыя, які займаецца падтрымкай міжнароднай энцыклапедыі Вікіпедыя і Прадстаўніцтва ізраільскай авіякампаніі El Al у Рэспубліцы Беларусь.
Пераможцаў конкурсу чакаюць каштоўныя прызы.
Умовы конкурсу[правіць зыходнік]
Артыкулы пішуцца і размяшчаюцца ўдзельнікамі конкурсу ў міжнароднай энцыклапедыі Вікіпедыя паводле правілаў гэтага праекта ў адной з чатырох моўных версій — рускай, беларускай, беларускай (тарашкевіцай) і іўрыцкай.
Удзельнік дасылае ў аргкамітэт заяўку з указаннем імя і прозвішчы, кантактных дадзеных і ўліковага запісу ў Вікіпедыі з 24 чэрвеня да 20 кастрычніка 2013 года разам з пералікам напісаных і апублікаваных ім конкурсных артыкулаў.
Тэматыка артыкулаў[правіць зыходнік]
- Геаграфія: паселішчы, выдатнасці, нацыянальныя паркі, іншыя геаграфічныя аб'екты.
- Прырода: клімат, флора, фауна, нетры, водныя рэсурсы.
- Грамадства: насельніцтва, мовы, рэлігія, спорт, прафсаюзы, некамерцыйныя арганізацыі.
- Адукацыя і навука: сярэдняя адукацыя, універсітэты, каледжы, сістэма вышэйшай адукацыі, навуковыя даследаванні.
- Эканоміка: валютная сістэма, банкаўская сістэма, фінансы, прамысловасць, сельская гаспадарка, турызм, гандаль, прадпрымальніцтва.
- Транспарт: авіяцыйны (Ізраільскія авіялініі), аўтамабільны (уключаючы аўтобусны), чыгуначны, марскі, трамвай, метро.
- Сувязь і СМІ: тэлефон, інтэрнэт, пошта, тэлебачанне, радыё, прэса.
- Культура: Сусветная спадчына, музыка, літаратура, кінематограф, тэатр, архітэктура, кухня, святы, музеі, помнікі.
- Hi-Tech: высокія тэхналогіі ў Ізраілі, сістэмы Start-Up, касмічная праграма.
- Медыцына: сістэма аховы здароўя, бальнічныя касы, шпіталі і бальніцы, адукацыя ў вобласці медыцыны, медыцынскі турызм.
Тэмы пэўных артыкулаў выбіраюцца ўдзельнікамі самастойна ў рамках пазначанай тэматыкі і ў адпаведнасці з правіламі Вікіпедыі. На конкурс кожны ўдзельнік можа падаць неабмежаваную колькасць артыкулаў, дзе ўклад удзельніка мусіць складаць больш за 50 працэнтаў.
Графік правядзення конкурсу[правіць зыходнік]
- Перыяд напісання артыкулаў: з 24 чэрвеня да 20 кастрычніка 2013 года.
- Ацэнка артыкулаў і падвядзенне вынікаў: з 21 кастрычніка да 25 лістапада 2013 года.
- Абвяшчэнне вынікаў і ўзнагароджанне пераможцаў: 30 лістапада 2013 года.
Патрабаванні да конкурсных артыкулаў[правіць зыходнік]
- Не меней за 20 тысяч знакаў тэксту без уліку прабелаў.
- Адпаведнасць базавым правілам Вікіпедыі: энцыклапедычнасць, правяральнасць, нейтральнасць, апора на аўтарытэтныя крыніцы, забеспячэнне аўтарскіх правоў.
- Пісьменнасць, навукова-папулярны стыль.
Пажадана каб артыкулы былі ілюстраваны і якасна аформлены. На конкурс дапускаюцца артыкулы, створаныя ці кардынальна палепшаныя ўдзельнікамі конкурсу ў перыяд з 24 чэрвеня да 20 кастрычніка 2013 года. На конкурс дапускаюцца арыгінальныя працы, пераклад з іншых моўных версій Вікіпедыі дапускаецца толькі ў выпадку значнай перапрацоўкі зыходнага матэрыялу.
Узорам для конкурсных артыкулаў з'яўляюцца «выбраныя» і «добрыя» артыкулы рускай версіі Вікіпедыі. Аўтары «выбраных» і «добрых» артыкулаў, напісаных у межах конкурсу, атрымаюць найлепшыя шансы на прызавое месца.
Журы конкурсу ацэньвае артыкулы паводле якасці і адпаведнасці тэматыцы і размяркоўвае прызавыя месцы. Дадаткова ацэньваецца значнасць і складанасць тэмы. Запланаваны таксама дадатковыя намінацыі (у прыватнасці, прыз глядацкіх сімпатый).
Члены Журы[правіць зыходнік]
- Пасол Дзяржавы Ізраіль у Рэспубліцы Беларусь Ёсеф Шагал.
- Першы сакратар Пасольства Генадзь Палішчук.
- Каардынатар рускамоўных інтэрнэт-праектаў пры Канцылярыі прэм'ер-міністра Ізраіля Шауль Катлярскі.
- Кіраўнік Прадстаўніцтва авіякампаніі El-Al у Рэспубліцы Беларусь Яўген Калтун.
- Рэдактар рускай версіі Вікіпедыі Марк Бернштэйн (Беларусь).
- Рэдактар рускай версіі Вікіпедыі Вікторыя Дароніна (Вялікабрытанія).
- Рэдактар беларускай версіі Вікіпедыі Максім Лепушэнка (Беларусь).
- Рэдактар беларускай (тарашкевіца) версіі Вікіпедыі Павел Селіцкас (Беларусь).
- Рэдактар іўрыцкай версіі Вікіпедыі Амір Ахароні (Ізраіль).
Прызы[правіць зыходнік]
- 1-ы прыз — білет у Ізраіль і назад на самалёце авіякампаніі El-Al і кубак пераможца.
- 2-і прыз — мультымедыйная сістэма і памятны знак.
- 3-і прыз — набор кніг пра Ізраіль і дыплом.
- Прыз глядацкіх сімпатый — набор ізраільскіх ласункаў.
Заахвочвальныя прызы ад Фонду Вікімедыя і ад ІКЦ — флэшкі, майкі, торбы, бірулькі.
Журы мае права не прысуджаць прызавое месца нікому з удзельнікаў ці прысудзіць некалькі аднолькавых месцаў. Дадатковыя прызы ўсім удзельнікам конкурсу — майка з лагатыпам фонду Вікімедыя.
Удзельнікі конкурсу даюць згоду на выкарыстанне іх імя і фота ў рэкламных матэрыялах, звязаных з конкурсам.
Заяўкі дасылаць на адрас konkurs.israel@gmail.com.
Дапамога ўдзельнікам конкурсу[правіць зыходнік]
Напісанне якасных энцыклапедычных артыкулаў у Вікіпедыю вымагае адпаведнасці правілам гэтага праекта, таму ІКЦ прапануе дапамогу кансультантаў.
Дапамогу ў беларускай версіі Вікіпедыі аказвае рэдактар Maksim L. (размовы).
Апроч гэтага, кожны ўдзельнік конкурсу можа карыстацца бібліятэкай ІКЦ для працы над артыкуламі.