Герт Гротэ

Герт Гротэ
нідэрл.: Geert Grote
Дата нараджэння	кастрычнік 1340
Месца нараджэння	Дэвентэр, Герцагства Гелдэрн, Свяшчэнная Рымская імперыя
Дата смерці	20 жніўня 1384 (43 гады)
Месца смерці	Дэвентэр, Утрэхцкае біскупства[d], Свяшчэнная Рымская імперыя
Месца пахавання	Аверэйсел
Грамадзянства	Гістарычныя Нідэрланды
Род дзейнасці	містык, багаслоў
Альма-матар	Парыжскі ўніверсітэт (1358) Latin School[d]
Вядомыя вучні	Florens Radewyns[d] і Фама Кемпійскі
Медыяфайлы на Вікісховішчы

Герт Гротэ (нідэрл.: Geert Groote, інакш Герхард Грут, нідэрл.: Gerhard Groet, або Герардус Магнус, лац.: Gerardus Magnus; 1340, Дэвентэр — 20 жніўня 1384, Дэвентэр) — нідэрландскі багаслоў і прапаведнік.

Біяграфія

Навучаўся ў родным Дэвентэры, а затым у Парыжскім універсітэце ў Жана Бурыдана, Нікаля Арэзма. Найбольшую ўвагу надаваў творам Святога Аўгусціна і Бернарда Клервоскага.

Г. Гротэ вёў у маладосці даволі бязладнае жыццё, якое змянілася пасля цяжкай хваробы і духоўных настаўленняў, атрыманых ім ад свайго былога аднакурсніка Генрыха Эгера з Калькара і Яна ван Рэйсбрука. У 1374 годзе Гротэ становіцца манахам-схімнікам, які жыве ў манастырскай адзіночнай келлі.

Праз некалькі гадоў Г. Гротэ выходзіць з арнемскага манастыра з намерам прапаведаваць супраць сквапных і ўзяўшых шлюб духоўных асоб, спадзеючыся такім чынам вярнуць іх да праведнага жыцця. Да Гротэ далучылася мноства прыхільнікаў і паслядоўнікаў, якія ўтварылі групу Новая набожнасць (лац.: devotio moderna). З гэтай групы нарадзілася Братэрства агульнага жыцця. Адным з самых значных крокаў гэтага шырока распаўсюджанага братэрства было наследаванне Хрысту.

Светапогляд Г. Гротэ, асабліва ў пытаннях шлюбу, выклікаў незадаволенасць духоўных асоб, у тым ліку біскупа, які забараніў Гротэ прапаведаваць. Аднак і пазней яго погляды распаўсюджваліся ў выглядзе гутарак, памфлетаў і невялікіх кніжак.

Г. Гротэ таксама пераклаў на ніжненямецкі дыялект богаслужбовую кнігу Місал.

У лютэранскай царкве ягоны дзень адзначаецца 21 жніўня.