Гогіта Гагацішвілі

Гогіта Гагацішвілі
Нарадзіўся	2 лютага 1990(1990-02-02) (33 гады) Тбілісі, Грузінская ССР, СССР
Грамадзянства	Грузія
Рост	177 см
Вага	77 кг
Пазіцыя	паўабаронца
Інфармацыя пра клуб
Клуб	няма
Клубная кар’ера
2011—2012 СТУ (Тбілісі) 39 (19) 2013 Сіёні (Балнісі) 2 (0) 2013 Чыхура (Сачхерэ) 0 (0) 2014 Гагра (Тбілісі) 29 (20) 2015 Лазіка (Зугдзідзі) 14 (9) 2015—2016 Гандзасар (Капан) 40 (4) 2017 Дынама (Мінск) 2 (0) 2017 Дзіла (Горы) 7 (0) 2018 Гагра (Тбілісі) 17 (3) 2018 Шэвардэні-1906 (Тбілісі) 18 (3) 2019 Зугдзідзі 3 (0) 2019—2021 Тбілісі Сіці

Гогіта Гагацішвілі (груз. გოგიტა გოგატიშვილი; нар. 2 лютага 1990, Тбілісі) — грузінскі футбаліст, паўабаронца.

Клубная кар’ера

Пасля паспяховай гульні за тбіліскі СТУ (19 галоў у 39 матчах) у другім грузінскім дывізіёне стаў іграком «Сіёні», але за паўгода правёў у элітным дывізіёне толькі два матчы. Улетку 2013 года перайшоў у «Чыхуру», у складзе якой гуляў у Лізе Еўропы і стаў пераможцам Суперкубка Грузіі, хоць у чэмпіянаце так ніводнага разу не з’явіўся на полі, застаючыся на лаўцы запасных.

З 2014 года выступаў у другім грузінскім дывізіёне за «Гагру» і «Лазіку», а ўлетку 2015 года перабраўся ў Арменію, дзе стаў іграком «Гандзасара».

У снежні 2016 года падпісаў кантракт з беларускім клубам «Дынама» з Мінска. Аднак, замацавацца ў складзе мінчан не здолеў, правёў толькі два матчы за каманду. У маі 2017 года па пагадненні бакоў пакінуў «Дынама». У верасні 2017 года далучыўся да клуба «Дзіла».

Па заканчэнні сезона 2017 пакінуў «Дзілу». У лютым 2018 годзе праходзіў прагляд у «Слуцку», але не падышоў і у выніку распачаў сезон 2018 у «Гагры». У ліпені 2018 года перайшоў у «Шэвардэні-1906».

Сезон 2019 пачынаў у складзе клуба «Зугдзідзі», але ў сакавіку 2019 года перабраўся ў «Тбілісі Сіці», дзе гуляў да канца 2021 года.

Дасягненні

• Уладальнік Суперкубка Грузіі: 2013