Дзеці міру

Помнік
Дзеці міра
руск.: Дети мира
55°51′06″ пн. ш. 37°28′32″ у. д.
Краіна	Расія
Горад	Масква
Скульптар	А. Неуванен
Архітэктар	І. М. Васкрасенскі, Ю. В. Калмыкоў
Дата заснавання	1990
Матэрыял	бронза

Дзеці свету — адна з славутасцей Масквы, усталяваная ў 1990 годзе ў Парку Дружба, што знаходзіцца па адрасе Ленінградская шаша 90, прама каля станцыі метро «Рачны вакзал».

Гісторыя

Скульптурная кампазіцыя «Дзеці міра» ўсталявана ў 1990 годзе ў Парку Дружба. Уяўляе сабой адмысловы падарунак ад скульптара Анці Неуванена з горада Хельсінкі. Неуванен нарадзіўся ў 1937 годзе ў горадзе Выбарг, які ў той час знаходзіўся ў складзе Фінляндыі. У першую чаргу знакаміты дзякуючы сваім прыродна-тэматычным выявам на фінскіх манетах. У 1971 годзе стаў лаўрэатам фінскай дзяржаўнай прэміі выяўленчага мастацтва за цэлы шэраг абстрактных скульптур. Таксама Анці Неуванен — адзін з членаў Асацыяцыі фінскіх экспертаў скульптуры і прызёр шматлікіх конкурсаў.

Манумент «Дзеці свету» быў падораны ў адказ на расійскую кампазіцыю Ю. Кірухіна «Мір ва ўсім свеце», усталяваную ў хельсінкскім парку Дружба ў 1983 годзе. «Мір ва ўсім свеце» — частка перайначанага аналага копіі «Помніка Дружбы Народаў», што захаваў сустрэчу вясковых жыхароў з іх вызвольнікамі. Ён быў падораны ў гонар 35-годдзя фінска-савецкага дагавора пра дружбу, супрацу і ўзаемную дапамогу, заключанага ў 1948 годзе.

Апісанне

Кампазіцыя помніка складаецца іх трох фігур — маці, бацькі, што трымае немаўля на руках, і падлетка. Вылітая з бронзы скульптура досыць абстрактная, мае некалькі незвычайную фактуру. Усталяваны помнік на пастаменце-ўсходах, некалі на ім знаходзілася адпаведная таблічка.