Докшыцка-Крулеўшчынская аперацыя
| Докшыцка-Крулеўшчынская аперацыя | |||
|---|---|---|---|
| Асноўны канфлікт: Вялікая Айчынная вайна | |||
 .svg){kind=icon} ' | |||
| Дата | 16—17 жніўня 1943 | ||
| Месца | г. Докшыцы, ст. Круляўшчына | ||
| Вынік | перамога партызан | ||
| Праціўнікі | |||
|
|||
.svg){kind=small}
Докшыцка-Крулеўшчынская аперацыя — баі па разгрому нямецка-фашысцкіх захопнікаў у горадзе Докшыцы і на чыгуначнай станцыі Круляўшчына (на лініі Маладзечна — Полацк) 16—17 жніўня 1943 года. Праведзена 1-й антыфашысцкай партызанскай брыгадай ва ўзаемадзеянні з партызанскай брыгадай «Жалязняк» Мінскай вобласці.
Бой
[правіць | правіць зыходнік]Вечарам 16 жніўня партызаны акружылі Докшыцы і сіламі аднаго батальёна ачапілі ўсе ваенныя аб’екты гарнізона і унтэрафіцэрскую школу. У 6 гадзін раніцы 17 жніўня нечакана для ворага штурмавыя групы абяззброілі і ў кароткай перастрэлцы на асобных участках вулічнага бою знішчылі 38 і ўзялі ў палон 60 гітлераўцаў. Потым 1-я антыфашысцкя брыгада зрабіла пераход да станцыі Круляўшчына. Яе з флангаў і тылу прыкрывала брыгада «Жалязняк», якая, каб адцягнуць увагу ворага пачала дзеянні на ўчастку чыгункі ў раёне станцыі Параф’янава і паміж Круляўшчынай і Глыбокім. Да вечара 17 жніўня Докшыцы і станцыя Круляўшчына былі поўнасцю ачышчаны ад праціўніка. У выніку бою на подступах да станцыі Круляўшчына і ў размяшчэнні гарнізона было знішчана больш за 500 гітлераўцаў, разбураны ўсе станцыйныя збудаванні, узарвана 4 масты, паравознае дэпо з 4 цягнікамі, 35 вагонаў, нафтабаза, склад з боепрыпасамі, гараж з аўтамашынамі, захоплена 2 пераносныя радыёстанцыі, вялікая колькасць харчавання, ваеннай амуніцыі, боепрыпасаў і ўзбраення, у тым ліку 3 гарматы, 20 кулямётаў, вінтоўкі. У выніку бою ўчастак чыгункі Круляўшчына — Параф’янава быў выведзены на суткі. Партызаны страцілі каля 40 чалавек забітымі і параненымі.
Памяць
[правіць | правіць зыходнік]У Круляўшчыне ў гонар баявой аперацыі партызан у 1964 годзе пастаўлены помнік.
Літаратура
[правіць | правіць зыходнік]- У. С. Пасэ. Докшыцка-Крулеўшчыцкая аперацыя // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — С. 197-198. — 680 с. — 20 000 экз. — ISBN 5-85700-012-2.