Дон Кіхот (фільм, 1957)

Дон Кіхот
Жанры	драматычны фільм і прыгодніцкі фільм
Рэжысёр	Рыгор Міхайлавіч Козінцаў
На аснове	Дон Кіхот
Сцэнарыст	Яўген Львовіч Шварц
У галоўных ролях	Мікалай Канстанцінавіч Чаркасаў Бруна Артуравіч Фрэйндліх Георгій Міхайлавіч Віцын Серафіма Германаўна Бірман Vladimir Maksimov[d] Юрый Уладзіміравіч Талубееў
Аператары	Andrei Moskvin[d] Apollinary Dudko[d]
Кампазітар	Gara Garayev[d]
Кінакампанія	Ленфільм
Працягласць	94 хв.
Краіна	СССР
Мова	руская
Год	17 мая 1957, 23 мая 1957 і 12 верасня 1957
IMDb	ID 0050326

«Дон Кіхот» — савецкі каляровы фільм, пастаўлены на кінастудыі «Ленфільм» у 1957 годзе рэжысёрам Рыгорам Козінцавым. Сцэнарый фільма напісаны Яўгенам Шварцам паводле рамана Мігеля дэ Сервантэса «Дон Кіхот».

Першы каляровы шырокаэкранны стэрэагукавы мастацкі фільм кінастудыі «Ленфільм».

Прэм’ера фільма ў СССР адбылася 23 мая 1957 года.

Сюжэт

Ідальга Алонса Кехана, улюбёны ў рыцарскія раманы, вырашыў сам зрабіцца рыцарам і адправіцца ў паход. Разам са збраяносцам Санча Пансам ён здзяйсняе подзвігі ў абарону бяздольных і на славу дамы сэрца, але гэтыя подзвігі аказваюцца бессэнсоўнымі і недарэчнымі дзеяннямі. Нягледзячы на тое, што людзі смяюцца з яго і б’юць, Дон Кіхот (менавіта такое імя прыдумаў сабе Кехана) захоўвае веру ў справядлівасць і прыроджаную чалавечую дабрыню.

У ролях

• Мікалай Чаркасаў — Алонса Кехана (ён жа Дон Кіхот), вандроўны рыцар (дублёр у конных і трукавых сцэнах — Уладзімір Васільеў)
• Юрый Талубееў — Санча Панса, збраяносец Дон Кіхота
• Серафіма Бірман — эканомка Дон Кіхота
• Святлана Грыгор’ева — пляменніца Дон Кіхота
• Васіль Максімаў — святар
• Віктар Калпакоў — цырульнік
• Людміла Касьянава — Альдонса Ларэнса (яна ж Дульсінея Табоская), «дама сэрца» Дон Кіхота
• Таміла Агамірава — Альтысідора, прыдворная дама
• Георгій Віцын — Самсон Караска, бакалаўр
• Бруна Фрэйндліх — герцаг
• Лідзія Вярцінская — герцагіня
• Галіна Волчак — Марыторнэс, жанчына з заезнага двара
• Вольга Віклант — сялянка
• Аляксандр Беніямінаў — пастух
• С. Цамаеў — Андрэс, пастушонак

Узнагароды

• 1957 — удзел у асноўным конкурсе Канскага кінафестывалю
• 1958 — Усесаюзны кінафестываль
  • Першая прэмія за аператарскую працу Андрэю Масквіну на ВКФ у 1958 годзе;
  • Другая прэмія за рэжысуру Рыгору Козінцаву
  • Другая прэмія за аператарскую працу Апалінарыю Дудко
  • Трэцяя прэмія па раздзеле мастацкіх фільмаў Рыгору Козінцаву
• 1958: МКФ у Ванкуверы.
  • Ганаровая грамата Рыгору Козінцаву
• 1958: МКФ у Стратфардзе
  • Прэмія Мікалаю Чаркасаву як лепшаму акцёру
• 1964: МКФ у Сан-Себасцьяне.
  • Прыз Рыгору Козінцаву