Дразафілы

З пляцоўкі Вікіпедыя
Jump to navigation Jump to search
Дразафілы
Drosophila.jpg
Навуковая класіфікацыя
Міжнародная навуковая назва

Drosophila Fallén, 1823

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS  146212
NCBI  7215
FW  139428

Дразафі́лы (Drosophila) — род насякомых сямейства пладовых мушак атрада двухкрылых.

Апісанне[правіць | правіць зыходнік]

Цела даўжынёй 2—4,5 мм, стракатае, матавае або бліскучае, жаўтаватае, жаўтлява-карычневае ці амаль чорнае; брушка нярэдка з цёмнымі плямамі або палосамі, галава жоўтая. Крылы празрыстыя, часта з зацемненымі папярочнымі жылкамі, радзей з цёмнымі плямамі. Вочы ярка-чырвоныя. Дразафілы валодаюць каляровым зрокам.

Пашырэнне[правіць | правіць зыходнік]

Адрозніваецца звыш 1000 відаў. Пашыраны ўсюды, больш шматлікія ў тропіках і субтропіках (напр., на Гавайскіх астравах больш за 300 відаў). Трапляюцца на кветках, часта на дрэвавых соках, вінных і фруктовых заводах, у памяшканнях для агародніны і садавіны. Найбольш вядомая дразафіла звычайная, або пладовая мушка (Drosophila melanogaster). На Беларусі адзначана каля 30 відаў.

Асаблівасці біялогіі[правіць | правіць зыходнік]

Жывяцца сокам раслін, прадуктамі гніення агародніны і садавіны. Лёгка разводзяцца ў лабараторных умовах, аб’ект генетычных даследаванняў.

У самцоў даволі складаныя шлюбыя паводзіны, якія ўключаюць шлюбныя тан­цы і «пес­ні» (са­мец віб­рыру­е крыламі, выдаючы спецыфічныя гукі).

Лічынкі развіваюцца на субстратах расліннага паходжання. Жыццёвы цыкл кароткі (у некаторых відаў ад яйца да мухі каля 10 дзён).

Літаратура[правіць | правіць зыходнік]