Жанна Барэ

Жанна Барэ
фр.: Jeanne Baret
Дата нараджэння	27 ліпеня 1740(1740-07-27)
Месца нараджэння	La Comelle[d], рэгіён Бургундыя, Каралеўства Францыя
Дата смерці	5 жніўня 1807(1807-08-05) (67 гадоў)
Месца смерці	Saint-Aulaye[d], дэпартамент Дардонь, рэгіён Аквітанія, Метраполія Францыі, Францыя
Месца пахавання	Saint-Antoine-de-Breuilh[d] Cimetière de l'église de Saint-Aulaye[d]
Грамадзянства	Францыя
Род дзейнасці	батанік, падарожнік-даследчык, натуралістка, housekeeper
Месца працы	Philibert Commerson[d]
Медыяфайлы на Вікісховішчы

Жанна Барэ́ (фр.: Jeanne Barret; 27 ліпеня 1740 — 5 жніўня 1807) — французская падарожніца, першая жанчына, якая здзейсніла кругасветнае падарожжа.

Біяграфія

У 1766 годзе яна, перапрануўшыся мужчынам і называючы сябе Жанам Барэ, нанялася слугой да вядомага французскага батаніка Філібера Камерсона, які неўзабаве пасля гэтага павінен быў адправіцца ў кругасветнае падарожжа з экспедыцыяй Бугенвіля. Падчас экспедыцыі Барэ праяўляла незвычайную адвагу, а да таго ж добрыя веды ў батаніцы, дапамагаючы Камерсону.

Паводле адной з версій, таямніца Барэ заставалася не раскрытай да вострава Таіці, дзе ў ёй выкрылі жанчыну тубыльцы. Паводле іншай версіі, Камерсон ведаў праўду пра свайго памочніка ад самага пачатку і ўзяў Барэ з сабой у ролі палюбоўніцы, а выкрытая яна была карабельным лекарам.

Паводле запісаў Бугенвіль ў карабельным журнале, пасля выкрыцця было нялёгка ўтрымліваць матросаў ад замахаў на гонар і годнасць жанчыны. Верагодна, па гэтай прычыне Барэ ўсё ж высадзілі на востраве Маўрыкій, і ў Францыю яна вярнулася толькі праз некалькі гадоў ужо на іншым караблі.

На Маўрыкіі яна заставалася асістэнткай Камерсона (яго стары сябар і калега П’ер Пуаўр быў інтэндантам вострава) да яго смерці ў 1773 годзе. Яна адкрыла там карчму, а затым выйшла за французскага вайскоўца, з якім і вярнулася ў сваю родную вёску Сент-Алей, такім чынам завяршыўшы сваё кругасветнае плаванне.

У яе гонар 26 красавіка 2018 года названы горы (Baret Montes) на Плутоне.