Жульет Майніель

Жульет Майніель
фр.: Juliette Mayniel
Дата нараджэння	22 студзеня 1936(1936-01-22)
Месца нараджэння	Сент-Іпаліт, дэпартамент Аверон, Францыя
Дата смерці	21 ліпеня 2023(2023-07-21) (87 гадоў)
Месца смерці	Сан-Мігель-дэ-Альендэ, штат Гуанахуата, Мексіка
Грамадзянства	Францыя
Муж	Robert Auboyneau[d] і Vittorio Gassman[d]
Дзеці	Alessandro Gassmann[d]
Прафесія	кінаактрыса
Узнагароды	Прэмія «Сярэбраны мядзведзь» за найлепшую жаночую ролю[d] (1960)
IMDb	ID 0562831
Медыяфайлы на Вікісховішчы

Раймонд Мары Жульет Майніель (фр.: Raymonde Marie Juliette Meyniel; 22 студзеня 1936, Сент-Іпаліт, рэгіён Аксітанія — 21 ліпеня 2023, Сан-Мігель-дэ-Альендэ, Мексіка) — французская актрыса кіно і тэлебачання. Вядомая ролямі ў фільмах кінематаграфістаў французскай новай хвалі на працягу 1950-х — 1960-х гадоў.

Біяграфія

Дачка французскіх сялян, вырасла ў аддаленай вёсцы. Загарадны дом яе бацькоў быў штабам саюзнікаў падчас Другой сусветнай вайны.

Дэбютавала ў кіно ва ўзросце дваццаці двух гадоў. У канцы 1950-х гадоў стала адной з вялікіх надзей французскага кіно, дзякуючы галоўнай ролі Фларанс у адным з першых фільмаў французскай новай хвалі — «Кузены», які зняў і спрадзюсаваў Клод Шаброль.

Паміж 1958 і 1982 гадамі знялася ў 35 кінафільмах і на тэлебачанні.

У 1964—1968 гадах была замужам за італьянскім акцёрам Віторыа Гасманам, ад якога нарадзіла сына Алесандра, які таксама стаў акцёрам.

Памерла ў Мексіцы, дзе пражыла дваццаць гадоў.