Закаменскі раён

Закаменскі раён
Герб Сцяг
Краіна	Расія
Статус	раён
Уваходзіць у	Бурація
Адміністрацыйны цэнтр	Закаменск
Дата ўтварэння	1927
Насельніцтва (2006)	30,5 тыс. чал
Нацыянальны склад	бураты (63.3%), рускія (31,7%), эвенкі (1,3 %), другие (3,7%)
Плошча	15 344 км²
Часавы пояс	UTC+8
Афіцыйны сайт
Медыяфайлы на Вікісховішчы

Закаменскі раён (бур. Захааминай аймаг) — адміністрацыйна-тэрытарыяльная адзінка і муніцыпальнае ўтварэнне (муніцыпальны раён) у складзе Рэспублікі Бурація Расійскай Федэрацыі.

Адміністрацыйны цэнтр — горад Закаменск.

Геаграфія

Пейзаж Закаменскага раёна

Закаменскі раён размешчаны на паўднёвым захадзе Бураціі. Мяжуе на поўначы — з Тункінскім раёнам рэспублікі і са Слюдянскім раёнам Іркуцкай вобласці, на паўночным усходзе — з Кабанскім, на ўсходзе — з Джыдзінскім раёнамі Бураціі, на поўдні і захадзе праходзіць дзяржаўная мяжа Расійскай Федэрацыі з Манголіяй. Працягласць тэрыторыі раёна з захаду на ўсход складае 286 км, з поўначы на поўдзень — 148 км.

Гісторыя

Закаменскі аймак Бурат-Мангольскай АССР утвораны 26 верасня 1927 года.

24 ліпеня 1942 года ўтвораны рабочы пасёлак Інкур.

29 ліпеня 1959 года цэнтр Закаменскага раёна быў перанесены з сяла Цакір у горад Закаменск.

3 сакавіка 1960 года ў сувязі са скасаваннем Тарэйскага аймака Улекчынскі сельсавет перададзены ў Закаменскі аймак.

1 лютага 1963 года Закаменскі аймак уключаны ў склад Джыдзінскага аймака.

4 сакавіка 1964 года Закаменскі аймак выдзелены са складу Джыдзінскага аймака.

13 студзеня 1965 года рабочы пасёлак Інкур з рэспубліканскага падпарадкавання перададзены ў Закаменскі аймак.

25 лістапада 1966 года рабочы пасёлак Інкур скасаваны.

У кастрычніку 1977 года Закаменскі аймак Бурацкай АССР перайменаваны ў Закаменскі раён.

Насельніцтва

Насельніцтва раёна складае 30,5 тыс. чал. (станам на 1 студзеня 2006 г), у тым ліку ў горадзе — 13,1 тыс. чал.; у сёлах і улусах — 17,4 тыс. чал.

Нацыянальны склад

Асноўны склад жыхароў раёна — закаменскіх буратаў — утварылі выхадцы з Алары, Бохана, Тункі, Джыда, Халха-Манголіі і Джунгарыі.

Населеныя пункты

У Закаменскім раёне 27 населеных пунктаў.

• Баянгол
• Бартой
• Бургуй
• Далахай
• Дархінтуй
• Дутулур
• Енгарбой
• Ехэ-Цакір
• Закаменск
• Міхайлашка
• Мыла
• Нурта
• Санага
• Улекчын
• Улентуй
• Усанаўка
• Усць-Бургалтай
• Утата
• Халтасон
• Хамней
• Харацай
• Хасура
• Хужыр
• Хуртага
• Цаган-Морын
• Цакір
• Шара-Азарга

Славутасці

• Заказнік Сняжынскі — найбуйнейшы заказнік на тэрыторыі Бураціі (плошча — 238,48 тыс. га). Размешчаны ў цэнтральным Хамар-Дабане ў басейне ракі Снежнай
• Субутуйскія слупы — ля падножжа Субутуйскіх слупоў на паверхню выходзяць мінеральныя воды з гаючымі ўласцівасцямі
• Гара Уран-Душэ — патухлы вулкан
• Лячэбныя крыніцы ў далінах рэк Мулістуй і Субутуй
• Перавал Ундэр Баабай
• Энгарбойскі аршан
• Гара Сайханай Тапхар
• Юхта

Галерэя

• 
  Рака Снежная
• 
  Санагінскі дацан
• 
  Рака Джыда
• 
  Рака Джыда. Выгляд з гары Ундэр-Баабай
• 
  Аўтадарога Закаменск — Улан-Удэ ў мясцовасці Юхта

Спасылкі

• Закаменский район Бурятии
• Администрация МО «Закаменский район» Республики Бурятия