Закон выпрамянення Віна

Зако́н выпрамяне́ння Ві́на — закон размеркавання энергіі ў спектры абсалютна чорнага цела.

Тэарэтычна выведзены В. Вінам.

Паводле закона выпрамянення Віна шчыльнасць энергіі выпрамянення u_ν, адпаведная частаце ν, выражаецца формулай:

$u_{\nu }=\nu ^{3}f\left({\frac {\nu }{T}}\right),$

дзе f — некаторая функцыя адносін ν/T, T — абсалютная тэмпература.

З закона выпрамянення Віна вынікае т.зв. закон зрушэння Віна, паводле яго даўжыня хвалі λ_max, на якую прыпадае максімум энергіі ў спектры выпрамянення абсалютна чорнага цела, адваротна прапарцыянальная яго абсалютнай тэмпературы:

$\lambda _{\max }T=b,$

дзе b=2,897×10^-3 м·К — пастаянная Віна.

Закон выпрамянення Віна — гранічны выпадак закону выпрамянення Планка для вялікіх частот (малых даўжынь хваль).

Літаратура

• Віна закон выпрамянення // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. С. 180.