Зноемскае княства

Зноемскае княства (чэшск.: Znojemský úděl) — княства на поўдні Маравіі, дзе ў XI—XII стст. кіравала адна з галін роду Пржэмыславічаў.

У 1054 годзе князь Бржэціслаў I пастанавіў, што старэйшы ў родзе павінен кіраваць у Празе, а малодшыя атрымліваюць Маравію і павінны падпарадкоўвацца старэйшаму князю. Паводле гэтага старэйшы сын Бржэціслава, Спытыгнеў II, стаў у 1055 годзе князем чэшскім. Маравія была падзелена на 2 часткі, якія атрымалі другі і трэці сыны Бржэціслава. Ураціслаў атрымаў частку Маравіі са стальцам у Оламаўцы (Оламаўцкае княства), Конрад у выніку частку мараўскіх зямель зса стальцам у Брне, якія склалі Брненскае княства.

Брненскае княства межавала з аўстрыйскімі землямі, і абараняла Чэхію ад нападаў з поўдня. Пасля смерці Конрада I Брненскага яно было падзелена паміж яго сынамі: Ольдржых стаў кіраваць з Брна, а Літальд — са Знойма. Так утварылася Зноемскае княства.

Зноемскія князі (1092—1197)
№	Імя	Нарадзіўся	Памёр	Гады кіравання	Каментарыі
1	Літальд	?	15 сакавіка 1112	1092—1097	Сын Конрада I Брненскага.
2	Баржывой II	каля 1065	2 лютага 1124	1097—1101	Брат Бржэціслава II Чэшскага, 3-і сын чэшскага князя Ураціслава II. Князь брненскі 1097—1101, князь чэшскі 1100—1107, 1117—1120
3	Літальд	?	15 сакавіка 1112	1101—1012	Другі раз.
4	Ольдржых (Удальрых)	?	27 сакавіка 1113	1112—1113	Брат Літальда Зноемскага.
5	Сабеслаў I Ольдржых	каля 1075	14 лютага 1140	1113—1123	5-ы сын князя Ураціслава II. Князь чэшскі 1125—1140
6	Конрад II Зноемскі	?	пасля 1161	1123—1128 1134 — пасля 1161)	Сын Літальда Зноемскага. Князь брненскі 1156 — пасля 1161. У 1128—1134 быў зняволены князем чэшскім Сабеславам I.
7	Конрад III Ота	?	9 верасня 1191	пасля 1161—1191	Сын Конрада II Зноемскага, князь оламаўцкі 1182—1189, князь брненскі 1177—1189, маркграф мараўскі 1182—1189, князь чэшскі 1182, 1189—1191
8	Уладзіслаў Індржых	?	12 жніўня 1222	1192—1194	Сын караля Уладзіслава II. Маркграф мараўскі 1192—1194, 1197—1222, князь чэшскі ў 1197
9	Індржых (Генрых) Бржэціслаў	?	15 чэрвеня 1197	1194-1197	Сын Генрыха, 4-га сына князя чэшскага Уладзіслава I. Біскуп пражскі 1182—1197, князь чэшскі 1193—1197.

У 1197 годзе Зноемскае княства ўвайшло ў склад уладанняў маркграфа Маравіі Уладзіслава Індржыха.