Зоя Карпаўна Крот

Зоя Карпаўна Крот
Нараджэнне	12 лютага 1950(1950-02-12) (74 гады) Іванькі, Дзісенскі раён, Полацкая вобласць, БССР, СССР
Адукацыя	Даўгаўпілскі ўніверсітэт Акадэмія грамадскіх навук пры ЦК КПСС
Дзейнасць	палітык, дзяржаўны дзеяч
Узнагароды	Ганаровая грамата Нацыянальнага сходу Рэспублікі Беларусь

Зоя Карпаўна Крот (нар. 12 лютага 1950, в. Іванькі Мёрскага раёна Віцебскай вобласці) — беларускі палітык.

Біяграфія

Скончыла Даўгаўпілскі педагагічны інстытут (настаўнік гісторыі і грамадазнаўства), Акадэмію грамадскіх навук пры ЦК КПСС. Працоўную дзейнасць пачала старшай піянерважатай Дворнасельскай сярэдняй школы Міёрскага раёна Віцебскай вобласці. Працавала метадыстам раённага Дома піянераў і школьнікаў, загадчыкам сектара ўліку і фінансаў, другім і першым сакратаром Міёрскага райкама ЛКСМБ, загадчыкам аддзела камсамольскіх арганізацый, другім і першым сакратаром Віцебскага абкама ЛКСМБ, інструктарам Віцебскага абкама КПБ, намеснікам старшыні, старшынёй Віцебскага абласнога аб’яднання прафсаюзаў. З’яўлялася намеснікам старшыні Віцебскага абласнога Савета дэпутатаў, старшынёй савета па справах рэлігій і нацыянальнасцей, начальнікам упраўлення сацыяльнай абароны Віцебскага аблвыканкама. Займала пасаду старшыні камітэта па працы і сацыяльнай абароне Віцебскага аблвыканкама.

Выбіралася дэпутатам Палаты прадстаўнікоў Нацыянальнага сходу Рэспублікі Беларусь трэцяга склікання.

Узнагароды

Узнагароджана ордэнам «Знак Пашаны», медалём «За працоўныя заслугі», Ганаровай граматай Нацыянальнага сходу Рэспублікі Беларусь, Ганаровай граматай Міжпарламенцкай Асамблеі Еўразійскага эканамічнага супольніцтва.