Кадван ап Іяга

З пляцоўкі Вікіпедыя
Jump to navigation Jump to search
Кадван ап Іяга
вал.: Cadfan ap Iago
сцяг
Кароль Гвінеда
613 — каля 625
Папярэднік: Іяга ап Белі
Пераемнік: Кадвалан ап Кадван
 
Дзейнасць: суверэн
Нараджэнне: 580
Смерць: каля 625 ці каля 617
Бацька: Іага ап Бені
Дзеці: Кадвалан ап Кадван

Кадван ап Іяга (вал.: Cadfan ap Iago, лац.: Catamanus, англ.: Gideon; 580625) — кароль Гвінеда з 613 года.

Кадван атрымаў каралеўскі тытул Гвінеда пасля скону свайго бацькі Іяга ап Белі ў 613 годзе, у год бітвы пры Кайр-Легіяне (Чэстэры), якая скончылася паражэннем войскаў Гвінеда, Повіса і Мерсіі ад караля Берніцыі Этэльфрыта.

Гальфрыд Монмуцкі ў сваёй «Гісторыі брытаў» піша, што кароль Дэйры Эдвін, зрынуты Этэльфрытам, знайшоў прытулак менавіта ў Кадвана, які стаў яму прыёмным бацькам, выхаваўшы разам з уласным сынам Кадваланам. Аднак гэта паведамленне Гальфрыда наўрад ці адпавядае рэчаіснасці, паколькі Эдвін і Кадван былі аднагодкамі, да таго ж Эдвін пакінуў Гвінед пасля Чэстэрскай бітвы і хаваўся ў караля Усходняй Англіі Рэдвальда.

Надмагільны камень караля Кадвана

Мала што вядома пра жыццё Кадвана ап Іяга. Аднак яго кароткую характарыстыку захавала ўнікальная крыніца, адзін з ранніх узораў валійскай пластыкі — надмагільны камень, які дайшоў да нашых дзён у якасці дзвярнога вершніка ў царкве Эглуйс Айл (Лангадуаладр) у Англсі. Тэст, высечаны на камені: «Катаман, самы мудры і ўслаўлены кароль усіх каралёў» (лац.: Catamanus rex sapientisimus opinatisimis omnium regum), характарызуе Кадвана як выдатнага кіраўніка. Адзін са спісаў «Аналаў Камбрыі» гаворыць, што «камень у гонар Кадвана Гвінедскага» быў усталяваны (гэта значыць Кадван памёр) у 625 годзе.

Кадван быў у шлюбе з Авандрэг Чорнай (вал.: Afandreg Ddu), дачкой Кінана Гаруіна, караля Повіса. Спадчынікам Кадвана ап Іяга стаў яго сын Кадвалан ап Кадван.


Папярэднік:
Іяга I ап Белі
Кароль Гвінеда
613625
Пераемнік:
Кадвалан II ап Кадван

Зноскі

Спасылкі[правіць | правіць зыходнік]