Канстанцін Мікалаевіч Аляксееў

З пляцоўкі Вікіпедыя
Jump to navigation Jump to search
Канстанцін Мікалаевіч Аляксееў
Дата нараджэння: 27 сакавіка 1943(1943-03-27) (76 гадоў)
Месца нараджэння:
Альма-матар:
Месца працы:
Член у:

Канстанцін Мікалаевіч Аляксееў (27 сакавіка 1943, г. Файзабад, Таджыкістан) — беларускі архітэктар.

Біяграфія[правіць | правіць зыходнік]

Скончыў у 1968 годзе архітэктурнае аддзяленне Беларускага політэхнічнага інстытута (выкладчыкі: Н. М. Макляцова, А. П. Воінаў, В. І. Анікін).

У 19711981 гадах галоўны архітэктар г. Магілёва. Член Беларускага саюза архітэктараў з 1972. У 19811987 гадах галоўны архітэктар АКМ-1 інстытута «Магілёўграмадзянпраект»; у 19871994 гадах дырэктар Магілёўскага камбіната «Мастацтва», у 19901994 гадах старшыня Магілёўскай абласной арганізацыі Саюза архітэктараў Беларусі.

У 19941996 гадах намеснік старшыні камітэта архітэктуры Мінгарвыканкама, галоўны мастак г. Мінска; З 1996 года начальніка упраўлення Міністэрства архітэктуры і будаўніцтва Беларусі. У 2007 годзе выйшаў у адстаўку з пасады намесніка начальніка аддзела.

Творчасць[правіць | правіць зыходнік]

Лячэбна-дыягнастычны цэнтр

Асноўныя творчыя працы: жылыя дамы па вул. Першамайскай і пр. Міру (19721975, у суаўтарстве з А. Ц. Кучарэнкам і Ю. Дабравольскім); комплекс помніка «Змагарам за Савецкую ўладу» (1982, у суаўтарстве з архітэктарам А. Івановым, скульптар — Л. М. Гумілеўскі); Помнік-мемарыял байцам батальёну міліцыі (1983 аўтар праекта, скульптар Кавалёў) у Магілёве; адміністрацыйны будынак Бабруйскага гарвыканкама (1985, у суаўтарстве з архітэктарам Ю. В. Шпітам); адміністрацыйны будынак Магілёўскага гаркама КПБ (Філіял Беларускай кансерваторыі) (1988, аўтар праекта), будынак дыягнастычнага цэнтра ў г. Магілёве (1989, у суаўтарстве з Г. Аляксеевай), праект дзіцячага дыягнастычнага цэнтра (1993, не рэалізаваны); прыбудова да будынка Дома Саветаў (1995, у суаўтарстве з архітэктарам Э. А. Юшка) у Магілёве.

Узнагароды[правіць | правіць зыходнік]

Узнагароджаны прэміяй МУС СССР за стварэнне помніка-мемарыяла байцам батальёна міліцыі пад камандаваннем капітана Уладзімірава (1984).

Зноскі

Літаратура[правіць | правіць зыходнік]

  • Алексеев Константин Николаевич // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. Минск: Энциклопедикс, 2014. −140 с. ISBN 978-985-7090-29-7.