Канстанцін Сцяпанавіч Мельнікаў

Канстанцін Сцяпанавіч Мельнікаў
Імя пры нараджэнні	руск.: Константин Степанович Мельников
Род дзейнасці	мастак, архітэктар
Дата нараджэння	22 ліпеня (3 жніўня) 1890
Месца нараджэння	Масква, Маскоўская губерня, Расійская імперыя
Дата смерці	28 лістапада 1974(1974-11-28)[…] (84 гады)
Месца смерці	Масква, РСФСР, СССР
Месца пахавання	Увядзенскія могілкі[d]
Грамадзянства	Расійская імперыя  СССР
Месца працы	Саратаўскі дзяржаўны тэхнічны ўніверсітэт імя Ю. А. Гагарына[d]
Альма-матар	Маскоўскае вучылішча жывапісу, скульптуры і дойлідства
Медыяфайлы на Вікісховішчы

Канстанцін Сцяпанавіч Мельнікаў (руск.: Константи́н Степа́нович Ме́льников; 22 ліпеня (3 жніўня) 1890, Масква — 28 лістапада 1974, там жа) — савецкі архітэктар, мастак і педагог, заслужаны архітэктар РСФСР, адзін з лідараў авангарднага кірунку ў савецкай архітэктуры ў 1923—1933 гадах.

Канстанцін Мельнікаў яшчэ ў 1930-я гады атрымаў сусветнае прызнанне як «вялікі рускі архітэктар» сучаснасці, аднак яго ўнікальная творчая канцэпцыя ў тыя ж гады падвергнулася ў СССР рэзкай крытыцы за «фармалізм»; архітэктар па сутнасці быў адлучаны ад прафесіі (апошняя пабудова па яго праекце датуецца 1936 годам).

Стогадовы юбілей архітэктара ЮНЕСКА адзначыла тым, што аб’явіла 1990 год годам Канстанціна Мельнікава. Па выніках апытання членаў Расійскай акадэміі архітэктуры і будаўнічых навук, якое праводзілася ў 2001 годзе, Мельнікаў заняў першае месца сярод выдатных айчынных архітэктараў XX стагоддзя і трэцяе — у сусветным спісе.