Караліна Брунстром
| Караліна Брунстром | |
|---|---|
| Дата нараджэння | 1 студзеня 1803 |
| Дата смерці | 25 студзеня 1855 (52 гады) |
| Грамадзянства | |
| Прафесія | балерына |
Караліна Брунстром (шведск.: Carolina Brunström, 1 студзеня 1803 — 25 студзеня 1855) — шведская балерына. Адна з вядучых балерын Шведскага каралеўскага балета ў 1810-я — 1820-я гг.
Біяграфія
[правіць | правіць зыходнік]Ва ўзросце 12 галоў Караліна Брунстром паступіла вучыцца ў Каралеўскі балет Швецыі. У 1820 годзе стала прымай-балерынай Каралеўскага балета і на працягу ўсёй кар’еры Кураліну лічылі зоркай балета.
Караліна выконвала ролю Фані ў «Den ädelmodige Fürsten» Джавані Амбразіяні, танчыла ў балеце да оперы «Есанда» Луі Шпора, была адной з трох грацый у балеце-пантаміме «Kärleken och gracerna» («Каханне і тры грацыі») разам з Густаўвай Кальсеніус і Шарлотай Альм, Сафі Дагін у ролі Венеры, Шарлот Ліндмарк у ролі Амура і Пэрам Эрыкам Вальквістам у ролі пастуха.
Караліна пайшла з балета на піку сваёй кар’еры ў 1830 годзе, каб прысвяціць сябе дому і дзецям.
Асабістае жыццё
[правіць | правіць зыходнік]Караліна Брунстром мела працяглыя адносіны з Густавам Гансам фон Ферсенам (1802—1839), сынам і спадчыннікам Фабіян фон Ферсен, і нарадзіла яму некалькіх дачок. Фон Ферсен, будучы багатым чалавекам, набыў для яе дом, забяспечыў ёй і дзецям нябеднае існаванне і абяцаў ажаніцца, калі ў яе народзіцца сын. Аднак у Караліны нараджаліся толькі дзяўчынкі, і Густаў па патрабаванні маці ўзяў шлюб з дваранкай. Густаў памёр у 1839 годзе і афіцыйна лічыўся бяздзетным.[1]
Караліна пайшла з жыцця ва ўзросце 52 гадоў.
Крыніцы
[правіць | правіць зыходнік]Літаратура
[правіць | правіць зыходнік]- Fredrik August Dahlgren, Förteckning öfver svenska skådespel uppförda på Stockholms theatrar 1737—1863 och Kongl. Theatrarnes personal 1773—1863. Med flera anteckningar. sid 520
- Nordisk familjeboks månadskrönika / Andra årgången. 1939 /
- Nils Personne, Svenska teatern : några anteckningar 5. Under Karl Johanstiden : 1827—1832