Караліна Гранберг

Караліна Гранберг
Дата нараджэння	31 сакавіка 1818(1818-03-31)
Дата смерці	2 кастрычніка 1884(1884-10-02) (66 гадоў)
Муж	Friedrich Moritz Friebel[d]
Прафесія	балерына

Караліна Дэзідэрыя Гранберг (шведск.: Carolina Desideria Granberg, 31 сакавіка 1818 — 2 кастрычніка 1884) — шведская балерына. Адна з вядучых балерын Каралеўскага балета Швецыі.

Біяграфія

Караліна Гранберг нарадзілася ў Стакгольме ў 1818 годзе.

У 1834 годзе Караліна стала вучаніцай Сафі Дагін.

З 1838 да 1855 Караліна была прыма-балерынай Каралеўскага балета Швецыі. Разам з Сафі Дагін, Адальфінай Фегерстэт і Шарлотай Альм лічылася адной з вядучых танцорак шведскага балета сярэдзіны XIX стагоддзя.

Пасля шлюбу з Фрыдрыхам Морыцам Фрыбелем, музыкам Каралеўскага прыдворнага аркестра, у 1840 годзе стала Каралінай Фрыбель.

Вядома, што падчас гастрольнага выступу Марыі Тальёні ў Стакгольме ў 1841 годзе Караліна брала ў яе ўрокі.

У 1855 годзе Караліна Фрыбель пакінула балетную сцэну з поўнай каралеўскай пенсіяй — прывілеем, якога раней яшчэ не было.

Творчасць

Сярод яе партый — партыя адной з трох грацый з Адальфінай Фегерстэт і Шарлотай Эк у дывертысменце «Ett mythologiskt divertissement» Андэрса Селіндэра, у якім Селіндэр быў Апалонам, Сафі Дагін Венерай і Шарлота Норберг Каханнем; партыя ў балеце «Robert» з Дагін і Хрысціянам Іагансонам; Pas de cinq з Сафі Даген, Шарлотай Норберг, Адальфінай Фегерстэт і французскім запрошаным артыстам Франсуа Лефеўрам.

Караліну апісваюць як «сільфічную місіс Фрыбель», і кажуць, што яна была «адной з самых цудоўных танцоўшчыц, а таксама паспяхова выконвала качучу».

Літаратура

• Fredrik August Dahlgren: Förteckning öfver svenska skådespel uppförda på Stockholms theatrar 1737—1863 och Kongl. Theatrarnes personal 1773—1863. Med flera anteckningar.
• Nils Personne: Svenska teatern : några anteckningar 7. Under Karl Johanstiden : 1835—1838