Карпаеды

З пляцоўкі Вікіпедыя
Перайсці да навігацыі Перайсці да пошуку
Карпаеды
Карпоед.jpg
Навуковая класіфікацыя
Міжнародная навуковая назва

Branchiura Yamaguti, 1963

Атрады
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS  89403
NCBI  6838
EOL  2630830
FW  133237

Карпае́ды, ка́рпавыя вошы (Branchiura) — падклас (або атрад) ракападобных.

Апісанне[правіць | правіць зыходнік]

Апісана каля 200 відаў. Пашыраны ў марскіх і прэсных вадаёмах Еўразіі. На Беларусі вядомы 2 віды: карпаед звычайны, або рыбіна вош (Argulus foliaceus), і карпаед японскі (Argulus japonicus).

Крывасмокі. Паразітуюць на скуры, плаўніках, шчэлепах і ў ротавай поласці карпавых і ласасёвых рыб, а таксама апалонікаў і дарослых амфібій. Пераважна прымацоўваюцца ў месцах менш амываных вадой і там, дзе скурныя покрывы танчэйшыя.

Даўжыня да 30 мм. Цела шырокае, авальнае, пляскатае, шаравата-зялёнае. Пярэдняя частка цела ўкрыта шчытком (каралаксам). Брушны аддзел пакарочаны і несегментаваны. Маюць смактальны хабаток, 4 пары двухгалінастых плавальных канечнасцей. Добра плаваюць з дапамогай грудных ножак, спінным бокам уверх. Прысмактаўшыся да ахвяры, рачкі працягваюць рух плавальнымі ножкамі, забяспечваючы цыркуляцыю вады вакол цела, дзякуючы чаму ажыццяўляецца газаабмен цераз тонкія ўчасткі покрываў.

Раздзельнаполыя. Развіццё адбываецца з метамарфозам. З яец выходзяць лічынкі з недаразвітымі канечнасцямі.

Літаратура[правіць | правіць зыходнік]