Картахенскі сабор

Картахенскі сабор
	Славутасць
Картахенскі сабор
	37°35′57″ пн. ш. 0°59′05″ з. д.HGЯO
Краіна	Іспанія
Месцазнаходжанне	Картахена;
Канфесія	каталіцтва
Епархія	Картахенская дыяцэзія[d]
Архітэктурны стыль	неараманскі стыль
	Медыяфайлы на Вікісховішчы

Картахенскі сабор Санта-Марыя-ла-В'еха (ісп.: La Catedral de Santa Maria la Vieja) — былы кафедральны сабор горада Картахены.

У наш час сабор уяўляе сабой руіны. Фармальна ён з'яўляецца кафедрай дыяцэзіі Картахены, але дэ-факта яе асноўным саборам з'яўляецца Мурсійскі сабор.

Сам сабор вядомы з XIII стагоддзя, калі ў 1250 годзе Папам Рымскім была адноўлена дыяцэзія Картахены. Біскупам новай дыяцэзіі стаў францысканскі манах Педра Гальега, духоўнік Альфонса X.

Існуюць рознагалоссі, ці меў храм, які існаваў на месцы Санта-Марыя-ла-В'еха статус сабора. У запісах Сярэднявечча і эпохі Адраджэння будынак згадваецца як Высокая царква (Iglesia Mayor), а Стары сабор згадваецца толькі з XVIII стагоддзя.^[1] У канцы XIX стагоддзі асновы сярэднявечнай царквы паваліліся, пазней будынак аднавілі па праекце архітэктара Віктара Бельтры, у раманскім стылі з выкарыстаннем элементаў стылю мадэрн.

25 ліпеня 1936 года падчас баявых дзеянняў Іспанскай грамадзянскай вайны сабор быў пашкоджаны, знішчаны алтар. У 1939 годзе бамбёжка франкістаў знішчыла паўночную частку будынка, пасля чаго сабор быў пакінуты.

Разваліны сабора з'яўляюцца нацыянальным помнікам Іспаніі. У 1988 годзе пры раскопках каля руін быў выяўлены рымскі тэатр; высвятлілася, што стары сабор быў збудаваны ў верхняй частцы тэатра, а пры будаўніцтве выкарыстоўваліся матэрыялы з антычнага будынка.^[2]

Зноскі

Спасылкі

На Вікісховішчы ёсць медыяфайлы па тэме Картахенскі сабор
Cathedral of St. Mary Major. Cartagena, Spain

[1] IGLESIA DE SANTA MARÍA DE GRACIA EN CARTAGENA. ANÁLISIS HISTÓRICO, CONSTRUCTIVO Y DE PATOLOGÍAS. XX Jornadas de Patrimonio Cultural de la Región de Murcia. 2009. ISBN 978-84-7564-521-6. Retrieved 2010-12-27. Архівавана 7 ліпеня 2011.

[2] Fundacion Teatro Romano de Cartagena: The History of a Discovery Архівавана 13 лютага 2008.

[1]

[2]