Кацярына Аляксандраўна Галкіна

Кацярына Галкіна
Асабістая інфармацыя
Пол	жанчына
Грамадзянства	Беларусь
Дата нараджэння	25 лютага 1997(1997-02-25) (27 гадоў)
Месца нараджэння	Мінск, Беларусь
Ліцэнзія FIG	[1]
Найлепшыя вынікі на чэмпіянатах свету
Найлепшыя вынікі на Алімпіядзе
Узнагароды і медалі Чэмпіянаты свету Срэбра Ізмір 2014 каманда Срэбра Штутгарт 2015 каманда Срэбра Пезара 2017 булавы Срэбра Сафія 2018 булавы Бронза Баку 2019 каманда Еўрапейскія гульні Бронза Мінск 2019 мнагабор’е Срэбра Мінск 2019 абруч Чэмпіянаты Еўропы Бронза Вена 2013 каманда Срэбра Мінск 2015 каманда Бронза Мінск 2015 булавы Бронза Мінск 2015 абруч Срэбра Будапешт 2017 каманда Бронза Гвадалахара 2018 мнагабор’е Срэбра Баку 2019 каманда Срэбра Баку 2019 абруч

Кацярына Аляксандраўна Галкіна (нар. 25 лютага 1997, Мінск) — беларуская гімнастка, заслужаны майстар спорту па мастацкай гімнастыцы, прызёр чэмпіянатаў свету і Еўропы. Удзельніца Алімпійскіх гульняў 2016 года. Член нацыянальнай зборнай.

Біяграфія

На Алімпійскіх гульнях 2016 года Кацярына Галкіна змагла прабіцца ў фінал у мнагабор’і. Кваліфікацыйны раўнд беларуская гімнастка прайшла даволі ўпэўнена, атрымаўшы нізкія балы толькі ў практыкаванні з булавамі. Па выніках кваліфікацыі Галкіна заняла дзевятае месца. У фінале ў двух з чатырох практыкаванняў Кацярына паказала шосты вынік, а яшчэ ў двух — сёмы і восьмы. Па выніках спаборніцтваў беларуская гімнастка заняла 6-е месца, адстаўшы ад бронзавай медалісткі украінкі Ганны Рызатдзінавай на 2,651 бала.

Скончыла Беларускі дзяржаўны ўніверсітэт фізічнай культуры.

Палітычныя погляды

Падпісала адкрыты ліст спартыўных дзеячаў краіны, якія выступаюць за дзеючую ўладу Беларусі пасля жорсткіх падаўленняў народных пратэстаў у 2020 годзе.

Асабістае жыццё

У 2011 годзе Кацярына перанесла аперацыю на сэрцы, каб спартсменка змагла вытрымліваць цяжкія нагрузкі.

Спасылкі

• Профіль на сайце Міжнароднай федэрацыі гімнастыкі (англ.)