Кацярына Сяргееўна Дунцова

З Вікіпедыі, свабоднай энцыклапедыі
Кацярына Сяргееўна Дунцова
руск.: Екатерина Сергеевна Дунцова
муніцыпальны дэпутат[d] (Ржэў)
2019 — 2022
Нараджэнне 24 красавіка 1983(1983-04-24)[1] (41 год)
Партыя
Адукацыя
Дзейнасць журналістка, палітык, адвакат
Навуковая дзейнасць
Навуковая сфера журналістыка ў Расіі[d], палітыка Расіі[d] і правазнаўства
Сайт duntsova2024.ru (руск.)
Лагатып Вікісховішча Медыяфайлы на Вікісховішчы

Кацярына Сяргееўна Дунцова (руск.: Екатери‌на Серге‌евна Дунцо‌ва; нар. 24 красавіка 1983, Краснаярск) — расійская палітык, журналістка і юрыстка.

Займала пасаду дэпутата Ржэўскай гарадской Думы Цвярской вобласці з 2019 па 2022 год[3]. 16 лістапада 2023 года абвясціла аб вылучэнні сваёй кандыдатуры на прэзідэнцкія выбары 2024 года[4][5].

Біяграфія[правіць | правіць зыходнік]

Нарадзілася 24 красавіка 1983 года ў Краснаярску. У 1995 годзе пераехала ў Ржэў (Цвярская вобласць), дзе скончыла сярэднюю школу.

У 2008 годзе скончыла Дзяржаўную адукацыйную ўстанову вышэйшай прафесійнай адукацыі «Цвярскі дзяржаўны ўніверсітэт»[6].

Пачала сваю кар’еру ў 2003 годзе, працуючы каля года ў муніцыпальнай тэлевізійнай кампаніі Ржэва. Шмат гадоў была кіраўніком школьнай тэлевізійнай студыі.

З 2006 па 2022 гады была галоўным рэдактарам Ржэўскай тэлестудыі «РиТ»[7] (RiT) (была закрыта ў 2022 годзе) — незалежнай тэлевізійнай кампаніі, уласнага праекта, які яна вяла разам з мужам. У тэлекампаніі яна асвятляла праблемы муніцыпальнага ўзроўню: жыллёва-камунальная гаспадарка, беззаконне чыноўнікаў і злачыннасць[3][8].

У 2009 годзе Дунцова сабрала больш за чатыры тысячы подпісаў супраць адмены выбараў мэра Ржэва[8].

У 2016 годзе скончыла Федэральную дзяржаўную бюджэтную адукацыйную ўстанову вышэйшай адукацыі «Санкт-Пецярбургскі дзяржаўны інстытут кіно і тэлебачання»[6].

З 2019 па 2022 год была членам Ржэўскай гарадской Думы[8].

Па стане на снежань 2023 года Кацярына Дунцова працуе як журналістка і каардынуе працу добраахвотнай пошукава-выратавальнай групы ў Ржэве[9].

Выбарчая кампанія 2024[правіць | правіць зыходнік]

16 лістапада[10] 2023 года Дунцова аб’явіла аб сваім намеры балатавацца на пасаду Прэзідэнта Расійскай Федэрацыі ў якасці незалежнага кандыдата[11]. У той жа дзень яна аб’явіла аб зборы подпісаў.

Кацярына Дунцова патлумачыла свой намер балатавацца на пасаду прэзідэнта, сказаўшы, што «Расія рухалася ў няправільным кірунку ў апошнія дзесяць гадоў: курс накіраваны не на развіццё, а на самазнішчэнне»[8]. Дзяячка выступае за спыненне вайны з Украінай, дэмакратычныя рэформы, вызваленне палітычных зняволеных, у тым ліку Аляксея Навальнага, аднаўленне адносін з краінамі свету, з якім Расія ўступіла ў канфрантацыю, змяненне бюджэтных прыярытэтаў і падтрымку меншасцяў, уключаючы ЛГБТ-супольнасць[4][12][13][14].

20 лістапада Дунцову выклікалі ў пракуратуру, дзе запатрабавалі растлумачыць яе пазіцыю па канфлікце ва Украіне[15][9][16][17].

6 снежня Банк ЗГБ заблакаваў грашовыя пераводы журналістцы[10].

10 снежня паведаміла Цэнтрвыбаркаму РФ аб жаданні пазмагацца за крэсла прэзідэнта Расіі[18]. Цэнтральная выбарчая камісія адмовіла ў рэгістрацыі ініцыятыўнай групы Кацярыны Дунцовай праз шэраг працэсуальных памылак. Дунцова звярнулася па дапамогу да партыі «Яблоко», але там вылучыць яе ад партыі адмовіліся[19].

Руская служба Бі-бі-сі назвала Кацярыну Дунцову «адзіным нечаканым кандыдатам» на выбарах[20].

Сям’я[правіць | правіць зыходнік]

Кацярына Дунцова выхоўвае траіх дзяцей[5].

Заўвага[правіць | правіць зыходнік]

  1. ↑ https://echofm.online/portret-dnya/portret-dnya-ekaterina-dunczova-reshivshaya-vydvinutsya-kandidatom-v-prezidenty-rossii-zhurnalistka-iz-rzheva
  2. ↑ https://paperpaper.ru/papernews/2023/12/18/iniciativnaya-gruppa-vydvinula-ekate/
  3. ↑ а б Портрет дня: Екатерина Дунцова — решившая выдвинуться кандидатом в президенты России журналистка из Ржева (руск.). ЭХО (28 лістапада 2023). Праверана 30 лістапада 2023.
  4. ↑ а б Faulconbridge, Guy (2023-11-27). "In Russia, war and fear trouble one presidential hopeful". Reuters [англійская]. Праверана 2023-11-30.
  5. ↑ а б Latypova, Leyla. Meet Putin’s Possible Election Opponent: A Single Mother of 3 Calling for Peace (англ.). The Moscow Times (22 лістапада 2023). Праверана 30 лістапада 2023.
  6. ↑ а б https://elections.istra-da.ru/person/39845/
  7. ↑ https://ru.euronews.com/2023/12/11/russian-presidential-duntsova
  8. ↑ а б в г Журналістка з Ржэва заявіла, што выставіць сваю кандыдатуру на выбарах прэзідэнта Расіі. Яе выклікалі ў пракуратуру (руск.). Meduza. Праверана 30 лістапада 2023.
  9. ↑ а б Журналістку з Ржэва, якая абвясціла аб планах вылучыць сваю кандыдатуру на выбары прэзідэнта, выклікалі ў пракуратуру і пыталі аб вайне (руск.). Медыязона. Праверана 30 лістапада 2023.
  10. ↑ а б https://meduza.io/news/2023/12/06/zhurnalistke-ekaterine-duntsovoy-zayavivshey-o-namerenii-ballotirovatsya-na-post-prezidenta-rf-zablokirovali-bankovskie-perevody
  11. ↑ 40-year-old single mother aims to beat Putin in Presidential race (англ.). www.dagens.com. Праверана 30 лістапада 2023.
  12. ↑ Yekaterina Duntsova: A New Contender in Russia's 2024 Presidential Race (англ.). BNN Breaking (28 лістапада 2023). Праверана 30 лістапада 2023.
  13. ↑ Times, The Moscow. Russian Presidential Hopeful Condemns ‘Extremist’ Designation of LGBT Community (англ.). The Moscow Times (30 лістапада 2023). Праверана 30 лістапада 2023.
  14. ↑ Shields, Alan. Russian mum-of-three launches anti-war campaign to oust Putin (англ.). Metro (24 лістапада 2023). Праверана 30 лістапада 2023.
  15. ↑ Журналістку з Ржэва, якая вырашыла вылучыць сваю кандыдатуру на выбары прэзідэнта, выклікалі ў пракуратуру (руск.). Настоящее Время (21 лістапада 2023). Праверана 30 лістапада 2023.
  16. ↑ Post, Kyiv. Russian Woman Declares Presidential Candidacy – Then is Called for Questioning (англ.). Get the Latest Ukraine News Today - KyivPost. Праверана 30 лістапада 2023.
  17. ↑ Russian Prosecutors Summon Local Politician Planning Presidential Run (англ.). BARRON'S. Праверана 30 лістапада 2023.
  18. ↑ https://kuzpress.ru/election/10-12-2023/98378.html
  19. ↑ euronews.com
  20. ↑ Путин пятый раз идет на выборы. Вот как к ним готовятся власть и оппозиция. Русская служба Би-би-си (8 снежня 2023).


Узята з "https://be.wikipedia.org/w/index.php?title=Кацярына_Сяргееўна_Дунцова&oldid=4696712"